ابوي يقول اسمع وصاتي وانا ابيك
عشر وصايا قادحة من شراره
من تجربة الدنيا و جردن المهاليك
لقا بها الافراح عقب المراره
الاوله طيب النبى في ملاقيك
حافظ عليه ولا تنقص عياره
لا تغض عينك لا تكلم محاكيك
اعطه على جوه وقدر وقاره
و الثانيه من جاك زابن و ناصيك
قله احرست و دارك يصير داره
و إن صاح ابن عمك فلا تقول وشفيك
افزع معه و اصمد على غاره
و الثالثه خوة اهل الطيب تغنيك
والا ضعيفين الروابع خساره
و من يضحك بوجهك و هو ما يدانيك
كبه و خله يحترق وسط ناره
و الرابعه لا حزت نصرك بأياديك
اقنع نصرك لا تعاود مساره
لا تومي بنفسك بدرب المهاليك
مشين على الرجال كون انكساره
و الخامسه خابرك و انا مربيك
ما ينفعك كثر اللعب و الدواره
قلط ربوعك مجلسك يوم تأتيك
و خل الدخون يدور داير مداره
و السادسه رفيقك اللي يخاويك
سافر معه و تعرف ماكر حراره
اما رفيقن في مماشيه يحيك
والا فغير وجهتك عن مساره
و السابعه سرك يميتك و يحييك
عليك بالكتمان تاره و تاره
إفشاء سرك عند من لا يراعيك
ما يرفع البنيان عقب انهياره
و الثامنه من قبل لا اقول و اوصيك
لا خير في جارن ما يحب جاره
جارك عطه روحك و ما تملك ايديك
ركـد لـه الدلـه و شـب المنـاره
و التاسعه لو يغلط بحقك اخيك
خذها بشحم و ارفع مع الناس كاره
علمه ترى علمك و طاريه طاريك
عليك به لو كان ماله جداره
و العاشره حب الهوى جعل ما يجيك
و إن جاك فاللطف به و صونه و داره
يومن بيضحك و يومن و بيبكيك
و يا عزتي لك لا تعدى الستاره
و اللي على ط§ظ„ط¹ط´ط± ط§ظ„ظˆطµط§ظٹط§ بيغنيك
عمود دين و نور درب و مناره
ترى الصلاة و بس هي من تنجيك
و اللي ما يصلي حياته خساره
مما راق لمتعب الشووووق