ومن غير زعل
حكاوى النساء السعوديات عن الرجال
مره وصلني زوجي الصباح للمدرسه اللي كنت معلمه فيها قلت له وانا نازله راح اشتاق لك ياحبي …. قال انزلي انزلي لا تروح عليك الحصه الاولى .. آآآآآآه بغيت اصفعه بالمسطره ..
زوجي مش راعي هدايا ابدا .. قلت اشتري هدية جوال له لأن اللي يستخدمة قديم .. المهم غلفته وكتبت معه كرت شعر وكلام حلو .. واعطيتة الهدية .. وكنت بجنبه .. المهم فك الهديه بشراسة .. ووجهه فيه علامات استغراب وتعجب .. وانا مبتسمة .. لما شافه قال لمين هذا؟ .. قلت لك حبيبي .. قال شاريتة بالفين وخمسمية يابنت الكلب؟ هو فرحان لكن شوفوا تعبيره .. قسم بالله راحت ابتسامتي .. وهو يضحك ويقول اول مرة احد يهديني بالمبلغ هذا .. بس تصدقون؟ رحمته ..
وحده من الحريم ملت من الروتين اليومي في حياتها وحبت انها تسوي مفاجئه لزوجها بسهره رومنسيه … المهم قامت وطلبت الكيكه من الدبلوماسي والعصيرات .. وخلت الاضاءه بالمجلس هادئه وولعت الشموع ونوّمت عيالها وتزينت عشان تهيئ الجو لزوجها ولها .. المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه وصبت له من العصير … المهم يوم بلع وخلص قالها الحين وراك مجلستنا بالظلام حشى كأننا بقبر .. بلعتها وسكتت وتقول لنفسها مانى بمخربه السهره … قام وكمّل ذا العصير وقال لها هالحين وراك طالبه حجم كبير من الكيكه كان طلبتي حجم صغير وشهوله الاسراف؟ يالله روحي قوّمي البزارين ياكلون منها عشان ماتكب .. عاد هي حامت كبدها منه وطفسته وزعلت عليه …..
هذي وحده من البنات توها متزوجه وحابه تسوي حركه لزوجها …. قامت وتزينت وتجهزت من مجاميعه وحطت الاضاءه هاديه وشغلت الدخان الصناعي .. وانتظرته لحد ماشرّف … المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديها وهي ساكته ماترد عليه تتغلّى عليه (على بالها مسويه حركه حلوه .. ماتدري مسيكينه انها بتروح في خبر كان) .. عاد هو طار للمطبخ وجاب جيك ماء وكبه عليها يحسبها انه مغمى عليها من الدخان .. عشان كذا ماترد عليه (جاء بيكحلها عماها) …. بالله وش تتخيلون موقفها؟ .. المفروض انها صبت على راسه موية نار …..
هذي وحده من البنات تزوجت وراحت للخارج مع زوجها بعثه للدراسه له ولها … المهم شافت ذا الحمران العطران ورومنسيتهم قالت خل اسوي مثلهم .. وخاصة انهم كلهم يدرسون وكل واحد فيهم وقت دراسته تختلف عن الثاني .. فما فيه وقت للجلسه الهاديه .. فقامت يوم من الايام قبل ماتروح للمعهد قالت خل افتح نفسه شوي لما يرجع تعبان ويبغى ينام شوي .. ونثرت على السرير ورود والعطورات الفواحه تفوح في الغرفه ومن ذا الحركات … قالت إذا رجع وشاف الحركات هذي اكيد بيستانس شوي … المهم يوم رجعت من المعهد شافت زوجها نايم في الصاله … عاد هي استغربت وراه تارك السرير ما امبطح عليه … ويوم صحى وسألته قال الله يصلحك ناثره لي عشب على السرير وشلون انام عليه (الله يقلعه مايميز بين الورود والعشب) ….. بالله مو المفروض تنثر على السرير تين شوكي عشان يتأدب ……
وهذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها .. يعني تغير من جو البيت وروتينه .. وكانوا دائما يسون ذا الحركه .. وهو وجهه مغسول بمرق .. كل ماطلعوا يطلب كل مالذ وطاب على حسابها .. عاد هي طنقرت وقالت انا اوريه عشان يتأدب ويعزمني بدال ما انا أعزمه … قامت وعزمته زي كل مره .. ويوم خلصوا ماكلين قالت له اكرمك الله ياابو فلان على العشا … عاد هو شرق بالعصير من الروعه وقال لها وشلون يعني؟؟؟ قالت له الله يسلمك الفاتوره دفعتها من جيبك اخذت المبلغ من بوكك قبل مانطلع …. تقول عقبها طاح وجهه تأدب وصار يطلعها كل سنه مره (تعّب نفسه صراحه) ……
وفي وحده لاهي ولازوجها يدلّون الرومانسيه …. وكانت بيوم راح تنقل لبيت ملك …. المهم شارت عليها إختها إنها تشتري حركات …. فطلعت مره هي وزوجها يشرون شموع اشكال والوان ….. وبعد فتره كان زوجها طالع وإستغلت الفرصه وإدهرت تضبط البيت وتكشخت وشغلت الشموع ….. يوم جاء المحروس شاف الدنيا ظلام … يوم دخل على زوجته ولع النور وطفى الشموع قالها الله يهداك هالحين أنا شاريهن لاطفى الكهرب……. (قمة التحطيم) ……..
وحدة تقول أنا معلمه وعندي في البيت أوراق كثيره هنا وهناك وإذا خلصت المدرسه ألمها وأجمعها في كرتون وإذا ما أبغاها أحرقها …… المهم ما أطول عليكم …. رحت وشري كتاب رومنسيات زوجيه … قال لك بتتثقف وتصير رومنسيه حتى تعجب أبوالشباب … وكنت ببداية كل اجازة أروح لأهلي وأطول عندهم كذا يوم وهو قاعد بالبيت … قريت في الكتاب انه إذا سافر زوجك أو تركتي البيت اكتبي بطاقات حلوه ملونه فيها عبارات جميله للزوج وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبه عن عينه …… واختكم في الله سوتها ……… توقعون إيش كانت النتيجة …. إهئ اهئ …. لما رجعت البيت بعد اسبوعين لقيت البطاقات على طاولة الكمبيوتر حقي …. قمت ضحكت وأقول لنفسى قراها أبو الشباب بدون ما يعلمني …. الظاهر عجبته الحركة … أصل زوجي كتوم جداً …. قلتله ياعيوني ياحبيبي عجبتك الحركة ……… قال لي: أي حركة ؟؟ لا عد ترمين أوراقك منا ومنا وأنا ألقط وراك …. ليه شايفتني شغال عند أبوك ؟؟؟ تسنّعي ياحرمه ………… إيش رايكم فيه ؟؟؟؟ طعس صحيح ….
ووحدة تقول مره سويت لزوجي ليله رومانسيه على قولتكم … وقمنا نرقص هذيك الرقصه وش اسمها ؟ … ايه … سلوووو …. الي تحطين يدك ورى ظهر زوجك وهو يحط ايده ورى خصري ….. وكنت منسجمه مع الجو …. تخيلوا وش قال ؟؟ قال: تكفين تكفين حكي ظهري فوق شوي … لالا … تحت شوي ……… وانا ميّته من القهر ………….
.gif "Eh S(9)")
