الوسم: الحلقه

مذكرات استيته
كاكا جنه المكاويه

الحلقه الاولى
إبداء الكلام بحمد رب الأنام على نعمة الإسلام اللي أرسلنا سيدنا رسول الله عليه افضل الصلاة والسلام0
في يوم جاني الواد مشارق وقلى ابغاك يا ط§ط³طھظٹطھظ‡ تكتبي عن اللي مر عليكى في حياتك 0
فىالاول قولت له أيشبك يا واد آنت انخفيت في عقلك ايش اللي اكتبه والله عال ما بقى عليه آلا آني اشتغل بالكتابه0
قلى فكرى يااستيته ترى الناس لمن يقروا كلامك راح يستفيدوا منه كتير0
بيني وبينكم فكرت في كلام الواد مشارق لقيت انه صحيح هي الناس كيف تتعلم ما هو من تجارب بعضها ومن اللي مر عليهم قلت بس يا بنت مايبغالها كتر تفكير سمى بالرحمن وابدئى وجلست أفكر ياتري إبداء من فين قلت أول شى الناس لازم يعرفونى واعرفهم و ما اكتر عليكم في الرغى خلينا في المفيد0
انا أسمى كاكا جنه أول مولوده يعنى البكريه عند أبويا
انا اخدت صنعة أمي الله يرحمها كانت أمي دايه تولد الحريم -0
وفضلت أولد الحريم الين سارت البلد مليانه دكاترة وبطلو الحريم يولدو في بيوتهم صاروا كلهم يحبو المستشفيات 0
ماعلينا تحسبو انو الرزق انقطع أبدا والله جاتنى شغله حلوه وفلوسها كثير والحمد لله والين دحين وأنامتبته فيها بايدى وأسناني بعدين اقول لكم عليها0
قصر الكلام ياحبايبى أنا عرفتكم على نفسىوفى كل مره أقولكم واحكيكم عن مكه المكرمه الله يحرسها البلد اللي اتولدت فيها وعن حاراتها وعن أهلها عاداتنا أكلنا وشربنا وأعيادنا وكل كبيره وصغيره وإنشاء الله دمى ما يكون ثقيل عليكم0
ودحين خلينى اعرفكم على اهلى واحد واحد
ابويا اسمه حمتو العقدة وشغلتو نقيب الحاره وكان رجل عتره ينشد بيه الظهر 0الله يرحمو
وأمي زليخه العمشه اكبر داية فى الحاره 0 الله يرحمها
واخوانى الله يخليهم هما
أول واحد اخويا نكش شغلتو جزار وسموه نكش لانه كان لمن يروح موقفة الغنم عشان يختار الطليان ينكش الموقفه من اولها لاخرها عشان ينقى احسن الطليان الموجوده 0
اخويا التانى اسمه التنى شغلتو معلم قراري وسبب تسميتو بالتنى انه كان تانى ولد يجى لابويا0
اخويا الثالث اسمه فرصع وسبب تسميتو فرصع انه كانت عيونه كبار وخارجه لبره وكان نضروا قوى ماشاء الله عليه و كانت شغلتوا عسه في الحارة 0
اخويا الرابع اسمه الهمشرى كان قلبه طيب ويحب الخير لكل الناس ويحب يخدم الكبير و الصغير واللى فى جيبه ماهو ليه وكانت شغلتوا قهوجى 0
واخويا الخامس اسمه بحول كان فران واهل الحاره هما اللى سموه بحول لانه اول مااخد صنعت الفرانه كان العيش مايظبط معاه قاموا ايه اهل الحاره وسموه بحول 0
اخويا السادس اسمه برحلو كان عندو شغلتين فى الصبح يشتغل دلال في موقفة الغنم وفى العصر يشتغل دلال في الحراج ماهو كده وبس كمان يلقط رزقه فى العقار بيع وشرا وتاجير وربنا موسعهاعليه كتير وطريقو دايما اخضر ربنا يحرسو من العين قاموا سموه برحلوا يعنى بعدوا عنو 0
بقينا في اخويا السابع آخر العنقود واسمه الدندانى هدا يشتغل موظف الله يكون في عونه مسكين ولد خرقه0
الله يسعدكم خليكو فاكرين اسامى أخواني ولا تلخبطو فيها عشان بعد الله ماليه أحد غيرهم0
اظن آني طولت عليكم وأنا نفسي ما اسيبكم بس عندي شويه غسيل أبغي أقوم ابلو فى الطشت واخدو فمين عشان الحق انشرو فى السطوح قبل الشمس ماتحمى
اقدر أقولكم في آمان الله نتقابل في المرة الجيه عشان عندي كلام كتير نفسى اقولكم عليه 0
بس فى المره الجايه على شرط واحد ابغى اسمع كلامكم ورايكم استمر فى الكتابه ولا انكتم احسن 0
ويكفى هذا ونكفى على الخبر ماجوراتفقنا
لحسن الولد هذا مشارق واحد عنيد مايقبل يتراجع عن طلبه0
مثل اليوم
نينى نينى استنى اعمى القلب يشترينى

طيب مع السلامه
استيته كاكا جنه

والله موضوعك تحفه

عندما أقرأ القصة الحلوه أتذكر حواري مكة القديمة مثل السليمانيه و شعب عامر و حارة الباب والشاميه الله يرحم الشاميه كان يا ماكان كان أبويا يحكيلي عن الحارات مكة والله يقول كان الحياة حلوه والجيران يحبون بعض وفي تواصل بينهم وباب البيت مفتوح مافي خوف الله على أيام زمان وكمان الدكه تبع العمده

مشارق أتمنى الأيام ترجع ونشوفها بأعيوننا الله يرحم أيام زمان

[CENTER] ط¨ط±ظ†ط§ظ…ط¬ رقائق في دقائق

لفضيله الشيخ محمد حسان

(الحلقه الاولى)
[/CENTER]

[CENTER]
[/CENTER]


[CENTER]IFile

MegaUpload

RapidShare

[/CENTER]