مسيت بالخير ياوجهٍ نكر خلّـــه يالصاحب اللي وجوده كان يفرحني

يالصاحب اللي ظˆط¬ظˆط¯ظ‡ كنت ماملّـــه واليوم والله وجودك صار يزعجني

الصاحب اللي معي صافي وصافلّـــه ماكنت اظنه على الشدات يتركني

يآآآخر صديقٍ عرفته زلتك زلّـــه كبيرة بحق نفسي يوم ترخصني

ملكتني…وش بقالك شئ تاصلّـــه؟؟ فارق وبالحب الأول لاتذكرني

كم ليلةٍ جيت لك ساري ومتولّـــه اطوع الليل وعيونك تطوعني

كم قلت لك..لاتنوش الوجد وتسلّـــه كم قلت لك ياحبيبي لاتعذبني

عطيتك الحب وحدك والغلا كلّـــه ولا انته بقد العطايا يامتعبني

هو ليه..ماقلت ذا خلي وانا خلّـــه؟؟؟ هو ليه ..ماقلت مارضى انه يفارقني؟؟؟

حطيتك بموقفٍ مانته بقدٍ لّـــه وخذلتني وانت بالوقفات خابرني

رجعت والجرح في قلبي على حلّـــه اعاني الآآآآم جرحي ودمعي احرقني

ماعاد ذا قلبي اللي كنت محتلّـــه والله ماتبقى بقلبي وانت بايعني

الحب مشوار لو تمشيه ماتدلّـــه ودوبي عرفتك بليا احساس واعذرني

الحب حاجه عظيمه مانت كفوٍ لّـــه لاتدعي بالمعزة وانت ناكرني

مادااام لي منزله بعيون خلق اللّـــه ماهمني مكسبك لاصرت خاسرني