أسعد الله اوقاتكم بكل خير ..
طبعا ترددت بالتسجيل عندكم لأسباب وأول سبب اني رجال وماشفت رجال بالمنتدى .. ثاني سبب انا كنت كاتب بمحرك البحث جوجل عن خطابه وطلع لي منتداكم اول شيء بالجوجل واللي خوفني كلام بعض الاخوات عن عمليات النصب اللي تقول اخذت مني 500 واللي تقول 1000 طبعا ماقول الا حسبي الله عليهم بس لو تبون ترجعون حققوكم اتصلو على المباحث واعطوهم رقم الحساب حق الخطابه ورقم جوالها والله يكفينا شرهم وهذا رقم المباحث 990 …
طبعا سبب تسجيلي بهالمنتدى اني ابي نصيحه أو ارشاد من اي وحده منكم لها تجربه .. طبعا انا كنت ادور خطابه عشان ابي اكمل نص ديني واتزوج واذا بتقولون ليه ماتكلم اهلك انا بجاوبكم والسبب انو مافي بالبيت الا امي وهي كبيره بالسن وماتعرف سوالف بنات هاليوين وانا اخاف عليها وابي من تعتبر امي زي امها قبل كل شي طبعا عندي خوات متزوجات لكن ماشفت منهم بموضوعي الا البرود والصمت كأني طالب شيء حرام !!
مع اني ماطلبت مواصفات تهد الحيل ولا شيء وكل اللي طلبته اني ابي وحده طيبه وحنونه وشكلها حلو فما ادري وين التعجيز اللي بهالطبات ! !
انا عمري 20 موظف ودخلي مره ممتاز وكل صفاتي الحمدلله حلوه وهالشيء مو مدح بس من كلام الناس ومن مدح نفسه كذاب ..
انا ابي أرشاد على رقم خطابه او اي حد يوقف معي بهالشيء ويدلني على بنات صالحات فيهم خير واللي بيوقف معي والله له دعوه بعد صلاه الفجر على سجادتي .. وأشكركم على الاهتمام وعلى قرائه موضوعي كاملا والله يوفقنا وياكم لما يحبه ويرضاه ..
واذا ما تبغى الله يوفقك وتلاقي بنت الحلال الي تصونك
تحياتي
بس يا اخوي نصيحه خلي اخواتك يدورون لك
او اي احد يقرب لك عشان يعرفون اذا هي فعلا طيبه والا لا
عن طريق النت مافي ثقه
وجهه نظر
