ضاقت بي الدنيا ولا طب ينجاب والعين تذرف دمعها ماتبالي
ياوجد منهو في ذرا الليل مرتاب يدرا همومه فوق روس الجبالي
ياكم فقدنا في ذرا الوقت احباب في كل عيد يهل غاب الهلالي
ياعيد كيف تهل والقلب متعاب والحزن داخل خافقي لايزالي
حالي معاك اليوم ماعنه مجناب عجزت ابنسى طيبين السبالي
ياعيد فرحك بالشقى داخلي ذاب جال بصداها مايفوق احتمالي
وان جيت ابفرح فرحتي لوم وعتاب كني سجينن كتفته الحبالي
دمعي على خدي وياصل للاهداب يوم اتذكر صافيات الليالي
,,,,,,,,,, منقول ,,,,,,,,,,