طبعا اليوم ضايق خلقي وفتر بالمواقع ولا اشوف مدونة عالم المرأه قلت ماكو الا ادش وشارك مع الناس الطيبه ونعلمهم الطبخ السنع بما اني اهوى الطبخ من صغر سني
على فكرا يابنات وياشباب انا ولد مو بنت
المهم نبلش بالمقادير والله يعينكم علا المقادير
طبعا الطبخه ظ…ط±ط¨ظٹظ† يعني ط±ط¨ظٹط§ظ† وعيش ياااااعيني
يالله بسم الله الرحمن الرحيم
==================================
الطبخة لاربع اشخاص او خمس
اول شي نبلش بالعيش طبعا يابنات العيش ينطبخ بروح والربيان بروح ولمه نخلص الطبخ نحط العيش بالصحن وفوقة الربياان
————–
طريقة طبخ العيش
نقصص بصلتين وسط قطه مربعات صغيرة ونضعه بالجدر
طماطه كبيرة تقص مربعات صغيرة جدا
وربع معالم كبيرة شبنت مطحون
واربع معالق كبيرة بقدونس
ربع ملعقة متوسطه فلفل اسود
ملعقتين كبيره ملح ناعم او على حسب الذوق
ربع ملعقة صغيرة صفار الزعفران
ملعقة صغيرة هيل مطحون
وملعقة كبيرة بهارات خاصة بالربيان وتباع جاهزة بالجمعيات
واربع ملعقات كبيرة زيت دلال
وتضاف مع الخلطة زعفران طبعا الي شكلة خيوط مو مطحون
وتخلط الخلطة مدة 3 دقائق ويضاف لها الرز ويقلب لمدة دقيقة ومن بعدها الماء على حسب مقادير الرز
وبعدين تعرفون الباقي لمه يخلص الطبخ ويستوي العيش نصكر النار ونبدأ الآن بالربيان
=========================
الله يعينكم على الشرح بس انشاء الله الله يقدرني وعرف اشرحلكم
المهم
طبعا نجيب قلايه ماني عارف شلون اكتبها القلاية الي نسوي فيها البيض يعني
المهم نضع الربيان بالمقلاه ونضع اربع قفشات كبيرة زيت دلال لاتنسون تغسلون الربيان عدل 🙂 بالطحين عشان الزفر يرووح دربالكم
المهم
نحط الربيان بالمقلاه وعدد اربع ملعقات كبيرة من زيت الدلال
وبعدها نقصص اربع بصلات متوسطة مربعات صغار ونحطها فوق الربيان
وبعدها نقطع طماطه صغيرة مربعات صغار ونحطها فوق الربيان
وخمس ملعقات كبيره من البقدونس المطحون
وخمس ملعقات كبيرة من الشبنت المطحون طبعا مو مطحون بودر انتو تقصونه 🙂
نص ملعقة كبيرة ملح ناعم
ويضاف ملعقة كبيرة من بهارات خاصة بالربيان او السمك كلة يمشي حالة تباع جاهزة خلطات جميلة جدا بالجمعيان
ونضيف فلفل اسود مطحون ربع ملعقة صغيرة جدا
ونضيف عليها ربع ملعقة صغيرة زعفران مطحون وزعفران خيوط
ونضيف عليها ربع ملعقة صغيرة من الزنجبيل المطحون
ونضيف ملعقة كبيرة من دبس الرمان الطازج ياعيني على الطازج 🙂
وكوب ماء من الفلتر يافلتر 🙂
وتروحين تركضين ركض اتجيبين صحن وتصكرين المقلاه عشان البخاار مايطلع وتنشف الطبخة
ونخلي النار خفيفة إلى المتوسطة لمدة نصف ساعه طبعا كل ربع ساعه لازم القافة تقلبين الطبخة وتقلبين الربيان من كل الاتجاهات
🙂
ولمه تخلص الطبخة مايبيلها
اربع قلاصات ثلج وببسي
وتنجبين العيش بصحن كبير ونضيف فوقة الربيان الي سويناه بالخلطات ويصير ظ…ط±ط¨ظٹظ† على كيف كيفج
هذي طبختي والحمد لله كل ماسويتها مافي احد مايقولي ماشاء الله
يالله يابنات اوعدك لمه اطبخها اصورها لكم
تحياتي للجمييييييييييييييييييييييييييع
اخوكم جوجو
بس ممنوع مشاركه الرجال في هذا القسم
المشاركة الأصلية كتبت بواسطة منور مون 
الله يعطيك العافيه
بس ممنوع مشاركه الرجال في هذا القسم
السلام عليم
اختي الفاضلة انا اهوى الطبخ واعتقد افضل الطباخين العالمين اغلبهم رجال وانا انتقد هذ الرااي
اتمنى ان يكون حرية الراي في مجال المواضيع
وتحياتي لكم
مو انا اللي حاطتها