انا فى 26 من عمرى متزوجة من ابن خالى وفى مشاكل بينا وهو مسافر
مصرية
مسلمة ملتزمة والحمد لله
كان فى حمل والحمد لله قدر الله انه مش يكمل
الحمد لله الصحة جيدة والحالة النفسية سيئة
مر على الرؤيا يوم
حلمت يوم 1/7/**** بين الصبح والظهر
انى فى منزل اهل زوجى وكأن فى عريس متقدملى غير زوجى
وانا كنت بتزين علشان يشوفنى
كأنه هو زوجى او واحد غيرة
لا اعلم
بس انا كنت لابسة فستان حلو اوى وكان شعرى قصير ولونه اصفر فاتح وناعم
ومصفف وتسرحته جميلة اوى
(مع العلم انى فى الحقيقة شعرى طويل اوى وناعم وبنى اللون ومحجبة والحمد لله ولا احد يرى شعرى سوى زوجى واخوتى )
وخرجت لامى ولخالاتى علشان يشوفونى وانا شكلى جميل اوى
وهو كان معاهم بس انا مش عارفاه ولا شايفاه
بس كنت فرحانة بشكلى وبشعرى اوى
وبعدها دخلت اشوف نفسى فى المراية لاقيت سنتى الامامية اللى فوق اليسرى
انشرخت
وانكسرت مكان الشرخ بعرض السنة ومسكتها بايدى وكنت خايفة اوى
بس مفيش وجع
وبعدين بقول لواحدة صاحبتى انا كنت خايفة انها تنكسر وبصيت فى باقى السنة وهى فى ايدى لاقتها كأنها مسوسة فيها من الجنب حتة سودة وقولت فى نفسى دى مش كانت مسوسة اية اللى حصل هى دى سوسة ولا اية
وبعدين ركبتها تانى ولزقت وخرجت وشوفت العريس بس مش باين هو مين
ورجعت
وبصيت فى المراية
وبعدين لاقيت بيخرج منها 2 صراصير صغيرة ومخططة زى الدودة وبعدين ببص على سنتى لاقيتها حلوة بعد ما انكسر منها حتة
وصاحبتى قالتلى دا انتى من غيرها شكلك احلى ولايق عليكى
وببص على سنتى لاقيت لسة فى صرصار فيها فخرجته بايدى
وحططتهم على التسريحة هم والحته اللى اتكسرت من السنة
وخرجت وقولت لامى قالتلى لازم تروحى للدكتور بالليل هوديكى
وبعدين كأنى مش انا العروسة كأنها واحدة صاحبتى اسمها مروة وعريسها هيشوفها وهو واحد غريب انا مش عارفاه فى الحقيقة وكان مش مبسوط (مع العلم انها فى الحقيقة مخطوبة وانا عارفة خاطبها)
فروحتلهم وقولتلهم انتوا الاتنين لابسين نظرات اقلعوهم
ودخلت الاوضة تانى ولاقيت حماتى اسمها نورا نازلة من على السلم وعرفت ان جوزى فى الدور اللى فوق
وجه اخوة اسمه على وقالى انتى بتعملى اية ومعاة فحم مولعه بتراب ولاقيته حاطه على التسريحة على السنة والصراصير
وفضلت ازعق انت ازاى حطيت الفحم هنا
وندهت لامى وقولتلها انا كدة مش هلاقى باقى السنة ولا الصراصير المخططة
وزعلت اوى
قالتلى احنا هنروح للدكتور
أسفة على التطويل
(ارجو التفسير مع العلم انى فى مشاكل مع زوجى وبحاول اصالحه وهو رافض يسمعنى
ومتزوجة من 4 شهور ومش بشتغل والحمد لله ملتزمة ومواظبة على الصلاة وقراءة القران الكريم
لاسف يا اختى فى ناس مأومين زوجك عليكى وهم السبب فى المشكلة والرجل الى اسمه على الله يسامحه هو مولع الدنيا ولا يريد اصلاح بينك وبين زوجك اتقى شره وبعدى عنه . لا تنسى الدعاء يا اختى ادعى الله ان يرجعلك زوجك ويهديه ويبعد عنه ولاد الحرام
والله واعلم
ويارب يصلح بينجميع الزوجات وازواجهم ويجعل بيننا المودة والرحمة