இ☜♥☞இ مجموعة الحمام المغربي لتببيض البشرة இ☜♥☞இ

صابون طبيعي مصنوع من العجينة المستخلص منها زيت اركان السحري يعني طبيعي 100ب100

منافعها(ترطيب البشرة لانها تحتوي على زيت اركان وتزيل الحبوب وتفتح البشرة وتغديها)

سعر الصابونة 15 ريال علشان بنات المنتدى العزيزات

الدفع عبر الويسترن يونيون لموجود بالانصاري للصرافة
التوصيل عبر مكتب البريد سواء عبر الشحن السريع الممتاز او الشحن العادي

طريقتي لعمل الحمام المغربي

هذه الطريقة المفصلة لعمل الحمام المغربي في البيت بعيدا عن الصالونات ..و بالطريقة المغربية الاصلية …

اولا : لما تبين اتسوين حمام مغربي خلي على الاقل يومين ما تسبحين فيها قبل عشان اطلعين الوصخ …

ثانيا :بما ان الجو اصلا حار و رطوبه عندكم مايبيله بخار بس شغلي الماي الحار لمدة 5 دقايق بالحمام عشان يسخن شوية

استعمال الحنة المغربية :

تنقع ملعقه كبيرة من الحنه في كوب ماء حار ياما يصير الخليط نفس الملوخية تقريبا , في حالة البشره الدهنية ضيفي عليه عصير نصف ليمونة
و خليه على جنب

الحين اذا الليفة جديدة نقعيها في ماء مثلج عشان ما تخرب وياج بعدين و تتم عندج اطووول مدة . الليفة المخصصة للتفريك لا تستعمليها لاي غرض ثاني يعني لا اتحطين فيها صابون او سنفرة او اي شي …لانها رح اتخرب بالطريقة هاذي اوكي

صبي على جسمج ماء حار و بعدين ادهنيه بالصابون المغربي العادي او اذا مو متوفر عندج ممكن استعمال صابون غار

اذا عندج الصابون الي بالاعشاب بس ادهنيه مع التفريك الشديد بشكل دائري على الركب و الاكواع و المناطق الي تبين اتفتحينها …يعني لا اتحطينه على كامل الجسم لانه اقوى من الصابون العادي ..

و هاذي صورته :
[img]http://www3.0zz0.com/thumps/****/06/13/19/51488722.jpg[/img]

خلي الصابون المغربي مدة دقيقتين على جسمج بعدين اشطفيه كللله ..و سمي و ابتدي التفريك
اولا تبتدين بالوجه / الرقبه / اليدين ….الخ يعني من فوق لا تحت

الحين لا فركتي وجهج و خلصتي …
تاخذين قفشة صغيره من الطين المغربي الابيض و اتحطين عليها نتتفه من العكر الفاسي ..و اخلطيهم بماي ورد او حليب و حطيهم ماسك على وجهج في انتظار انج اتخلصين باقي التفريك ..

الحين لا خلصتي من التفريك اشطفي جسمج بالماء الدافئ …

غسلي شعرج بالشامبو …

الحين ادا خلصتي تغسلين وجهج من الماسك مال الطين

الحين حطي الحنة المغربية على كل جسمج حتى الوجه و الرقبه و المناطق الحساسة و الجفون ….الخ
خليها مدة 5 الى 10 دقايق ..عادي ترى لانها ما تصبغ الجسم باي لون يعني لا تخافين …

اشطفيها …حسيتي بالنعومة …استانستي ..الحمد لله

الحين جا دور الصابون :بيني و بينكم انا ما احب استعمل الجل ..احسه يلزق على جسمي ..فاكثر شي استعمله الصابون القطع و خصوصا صابون مرسيليا الفرنسي اولا لانه طبيعي و يهبببل و ينظظظف و يوخر الحبوب و ما ياثر على البشره و ريحته اتهبببل يعني لو اقعد من اليوم لا باجر ما اوفيه حقه
عندي ماركه اسمها بيرسافون persavon باللافندر مو طبيعيه

و كبديل له ممكن تستعملون صابون الطاووس المغربي

بالنسبه لليفه انا استعمل شبكة مغربيه و هي تقريبا نفس الشبكة مالت الصيد بس على انعم ..و صراحه فوووق الوصف

الحين بس تصوبني و تنشفي بالفوطة و في الاخير ادهني باي كريم مرطب اتحبينه