لو حسبنا سلطتك ما هيب دستوريّه
ما بكينا بن عليّ ولا بكينا عصره
نعتبرها لحظةٍ في العمر تاريخية
دكتاتورية نظام القمع واستبداده
أعلنت تونس عليه الثورة الشعبية
إن ذممنا ما نذم إلا حقير و واطي
وإن مدحنا نمدح ب قناعةٍ شخصيّه
أججت ثوره ب دمّ الشعب ياثايرهآ
وانحت امجآد الشعوب لكل نفسٍ حيّه
قلّهم في صوت من كفنه تشلّه كفه
كلّ نصرٍ تستبقه أحداث مأساوية
آه عقبال البلاد اللي جهل حاكمها
يحسبٍ أن العزّ في القوات الأمريكية
وآه عقبال البلاد اللي شعبها جايع
والحكومة تفتخر في طفرة المالية
وآه عقبال البلاد اللي تنام مواطن
معك جنسيه وتصبح ما معك جنسيه
وآه عقبال النظام القمعي المتوارث
لآ متى وانتو عبيد النزعة الذاتية ؟!!
ولآمتى والشعب مآ يدري ب قيمة نفسه !
ذا ينصّب ذا وأرائه كلها منسيه
ليه ما يختار حاكم في البلد يحكم له ؟!
يتخلّص من نظام السلطة الجبرية
علّم اللي مرضيٍ نفسه و مزعل شعبه
بكره يجلّس بداله واحد ب كرسيّه
لآ يحسب أن الوطن ب اسمه وباسم عياله
الوطن للشعب وامجاد الوطن شعبيّه
رددوا والصوت واحد للمصير الواحد
كلنا تونس في وجه النخبة القمعية
الحكومات العربية ومن يحكمها
كلّهم بلآ بلآ استثناء حرآميه
السؤال اللي يؤرّق فكرة المتسائل
لن يجد اجآبته من كلّ جهة رسميّه
دامها تستورد من الغرب كلّ أشياها
ليه مآ تستورد القانون والحرية