انا ارجو من كل من يقرأ هذا الموضوع ان يعطينى رأية بكل وضوح.هذة المشكلة تخص اختى الاصغر منى وبصفتى اختها الكبرى فيجب عليا نصيحتها ولكنى اعجز عن هذا . اختى تزوجت منذ عامين وهى الان عندها طفل المشكلة بدأت فى ليلة الزفاف عندما فوجئنا بزوجها يتهمها انها ليست عذراء وانها يجب ان تذهب لطبيب الان ليتأكد اننا لم نغشة وذهبنا للطبيب واكد لة انها بنت وبدون اى مشاكل (فى هذة النقطة احاول ان اختصر كثيرا)وعدت الليلة وتركناها فى بيتها وانا زوجى يعمل فى احدى الدول وسافرت بعد فرحها على طول وكنت فاكرها كويسة وان المشاكل اللى بتحصل عادية زى اللى بتحصل عندى وعند اغلب المتزوجين ولكن منذ خمس شهور فوجئت بامى تقول لى ان اختى تركت البيت وتصر على الطلاق و ان اهل زوجها بيشتكوا منها انها لا تعمل فى البيت ولا تطبخ ولم تقل لى اغلب تفاصيل المشكلة ولكنى استغربت من الشكوى فأنا اعرف اختى واعرف انها شاطرة اوى فى شغل البيت والطبخ وعدت وطلبت منى امى ان اتحدث مع اختى وان انصحها ان تخرج فكرة الطلاق من دماغها ودا اللى كنت ناوية اقوله لها ولكن؛عندما جلست مع اختى لم تكن هى الفتاة التى عشت معها ولم تكن اختى بل فتاة نحيفة مكسورة لم تعد تقدر حتى على الابتسام ولو مجاملة فسألتها فية اية فردت ( انى لم اعد اطيقة من ليلة الفرح ومش طايقة اشوفة قدامى لا هوة ولا امة وانا مبنساش منظر امة وهى واقفة تضحك ومش هاين عليها حتى تقولى معليش وهو كمان يقولى دا حقى انا معملتش فيكى حاجة وبعد الليلة دى حاولت انساها بس مش قادرة واللى زودها جواية انة بيعاملنى كأنى واحدة مأجرها ينام معاها وبس وبعد كدة يشتمها ويهينها قدام الناس كلها دا بيتباهى باهانتى قدام امة واختة وقدام الناس الغريبة وقالت عمرة مقالى مرة واحدة انا اسف وبيزود معاملتة الحقيرة ليا وانا كنت قايمة بشغل البيت كلة بس لما حملت وتعبت شوية اضايقوا منى ومستحملنيش وبدأت امة واختة يقولوا لكل الناس انى مبعرفش حاجة فى شغل البيت واختة عملتنى لبانة فى بأها هية وصاحبتها فأنا قلت مادام كلة محصل بعضة يبقوا يخفوا انا كدة كدة مش طايقة ولا طايقة اعملة حاجة بس كنت يقول عشان ربنا وخلاص وانى هعيش لابنى وخلاص بس انا مش قادرة انا بموت كل ما اروح ابارك لعروسة جديدة واشوفها فرحانة ومبسوطة هية وعريسها مش حسد بس بتحسرعلى نفسى انى مبحاولش حتى افتكر انى كنت عروسة ومعنديش حاجة افتكرها زيهم ومشكلتى زادت اكثر لما اختة اتجوزت وشوفتها مبسوطة وبتلبس وبتتزوق وبتغير فى لبسها وبتتمتع بجوزها وبحاجتها وبشقتها تعبت اكثر وخاصة ان امة ما بترحمش كل ما تشوفنى كويسة تنكد عليا وتقلبة عليا وهوة مبيفكرش فى الكلام اللى بتقوله له ويجى على طول يشتمنى ويمسح بكرامتى الارض وكل ما يهينى مببقاش قادرة اعملة اى حاجة مش طايقة اخدمة ولا اخدم اهلة اخدمة ازاى وهوكسرلى نفسى ودمرنى وياريتة بيرحم هوة ولا امة يبقوا يخفوا يأجروا واحدة تخدمهم تخيلى انى قلتلة انا هعمل عيد ميلاد لابنى دى اول سنه ليه ووافق وصرفت علية من معايا وعشان الست امة مش عاوزة عيد ميلاد للواد خلتوا يهدهولى ويبوظة وشتمنى عشان هية مش عاوزة ولما اشتكى لابوة هوة كمان يشتمنى ويقولى لو مش عاجبك مشى وانا من الصبح اجيب له واحدة غيرك بس اعملى حسابك احنا هناخد منك الواد ويتهجم عليا ةويحاول ياخدة منى انا مبقتش عارفة اعيش زى الناس انا قرفت منة)انا بقيت اسمعها ومش عارفة ارد اقولها اية اقولها ارجعى للى انتى كنتى فية ولا اوافقها على الطلاق بس ابنها هوه اللى هيدفع الثمن اذا كان هية لسة مطلقتش وكل اصحابها بعدوا عنها لمجرد انها سابت البيت وكلهم بيجرحوا فيها عشان اصبحت متهمة انها مبتعرفش حاجة فى شغل البيت وكل اقاربنا بيجرحوا فى امى وابى بسببها وبسبب كلام جوزها واهلةعليها هية هتقدر تستحمل كلام الناس وتجريحهم فيها بس محدش حاسس بيها ولا باللى جواها ولا باللى كانت عايشة فية.ممكن تساعدونى الصح انها تطلق ولا ترجع؟. ط¨ط§ظ„ظ„ظ‡ ط¹ظ„ظٹظƒظ… قوللى رأيكم وبصراحة وبوضوح.
برأيي الطلاااق
لانها لسه ببدايه حياتهااا وتعباانه جدااا معاااه
فليش العذاااب هذا كله مشاان زووج ولا بسوى لاااااا تعجل بلطلاااق وترتااح من العذاااب الشبهه يومي
بعرف وحده هييك اهاانه بأهااانه من اول حياتهاا لغايه ما اولادها صاروا شبااب واسست بيت ما شاء الله بس بلاااخر ما قدرت تكمل ساابت البييت والاولااااد يعني خسرت عمرها وتعبهاااا
وبتقووول لو بدوووو يعمل ايش ما يعمل ليرجعني مستحييل ارجع
كانت كل مره بترجع لخاطر اولادهاا
بتقوول
خلااااص كبيته هوه والبيت ولاولااد
اهم شيء ما ارجعله
رأي ان هذا لا يستاهل اختك والولد كدة كدة هيتربى خليها تشوف نصيبها معحد غيره وتطلق عشان هتندم على الايام دي وهيجي عليها بالتعب العضوي والنفسي
الله يكون بعون اختك ازاى قدرت تكمل عامين وهى بالحالة دى من رأيى انة الطلاق احسن وميهمهاش اللى بيقوله عليها ولو انا مكنها فعلا مقدرش اخدمة او اعمله اى حاجة وكفاية اوى اللى حصل يوم الفرح
اخواتى اشكركم على ارائكم ومرروركم الكريم على الموضوع