التايـه اللي جـاب بصـري يقنــه
جداد جـروح العُوّد و العُوّد قاضـي
جينـا نحـب ونطلــب الله جنــه
جنـة نعيـمٍ يـوم يابـس الحاضـي
ياليـت كانـت حبتـي فـي معنـه
يوم العيون عن الخـوامل غواضـي
يامن يعاونـي علـى وصـف كنـه
اشقـح شقـاح ولاهـقٍ بالبياضـي
لا ريحـةٍ قشـرا ولا هـي مصنـه
ريح النفـل بمطمطمـات الفياضـي
ونهودهـا الثـوب الحمـر شولعنـه
حمرٍ ثمرهـنٍ واقفـاتٍ غضاضـي
و الخـد ذابـوح القلـوب المـرنـه
براق مـزنٍ لاعـج ألـون ياضـي
ياليـت لو سنـي على وقـم سنـه
بأيـام ما بينـي وبينـه بغاضـي
أيـام جلـد الذيـب عنـدي محنـه
نصبح وزرق الريش لهن أنتفاضي
وا جـرح قلبي جـرح وادٍ وطنـه
غر المـزون اللي وطنـه وفاضـي
والبيـض قبلـي محسـنٍ عـذبنـه
ونمرٍ على وضحا جرا له عراضـي
والبيـض كــمٍ واحــدٍ يبسنــه
يبسة شماشيـل العـذوق النفاضـي
عـزي لمـن غـر الثنـاي كونـه
واركن على كبـده كُويٍّ اعراضـي
شوفـي بعينـي و الخـدم يركبنـه
بنت الشيـوخ مخدميـن الحياضـي
على اشقحٍ من زمل ابـوها مظنـه
ركبـت عليه اتشنطـحٍ بعتراضـي
بمشجـرٍ من سـوق هجـرٍ مغنـه
على خياطه نـاب الارداف راضـي
واين انت يا مشفـي على طردهنـه
انا طويت ارشاي واقفيـت قاضـي
أحـدٍ يطيـح بنـار وأحـدٍ بجنـه
وترى الحظيظ اللي له الرب راضي