أنا العاشق وأنا المغرم وانا الهايم وأنا المجنون

وأنا الغرقان في حبه ولوكل الملا يدرون
وأنا الدكتورفي تدريس علم الحب وفنونه

وأنا الراسي ومن راسي أصوغ البيت به موزون
وأنا الشافي وأناالكافي وعهدالحب مااخونه

وأنا اللي أكتب أبياتي لأجل عينه بحرف النووون
تركت الأبجديه عمد وأصوغ القاف من نونه

خذا قلبي سبا عقلي سرق فكري بلطف وهون
أنا كلي فدا قلبه ومن دونه وفي دونه

فريد الشكل والنظره فريد الوصف والمضمون
فداه الروح وإن راح عسى الغزلان يفدونه

فديت الطول والرزه فديت الورد والليمون
فديت الخد والوجه فديت الليل وسكونه

فديت الموج بعيونه يلون بين لون ولون
وإذا لون أنا ألون واجيب اللون من لونه

عليه عيون بسم الله وبسم الله عليه عيون
كما سيف بيد قايد وراه الجيش يتلونه

أناأحبه وأحلف له ورب التين والزيتون
أنا كلي تحت أمره وروحي فيه وله مرهونه

أنا فرقه تغني له على ذوقه بكل فنون
على ألحان سوريه وموالات دلعونه

على القيثار والمزمار ألحن من غلاه لحون
بلاكاظم بلاساهرتعال وشوف وشلونه

أبي أصبر وأنامجبر وأبي أبقى كماالمسجون
نشف دمي وأناهمي أشوف الغيم ومزونه

أجرالصوت والونه وانادي عزوتي لاتكفون
من اللي يقدريجيبه وأنابصير ممنونه