***********
الموضوع ده حيعرف الاعضاء علي بعضها شوية
المطلوب من كل عضو انه يكتب موقف طريف حدث معاه بالفعل و رد فعله
بس يتكلم بصراحة
و انا حبتدي
في مرة كانت العيلة كلها ( شباب ) قاعدين في نلعب شايب ( بالكوتشينة ) و كل الكبار ( ماما و بابا و خالتو و ……. )
قاعدين في التراس يتكلمو
اللي حصل ان انا اتحكم عليا في اللعبة دي اني انعكش شعري و ابهدل وجهي بالمكياج و اروح للكبار في قاعدتهم
و اقولهم : انا هبلة و مجنونة و عايزة اروح مستشفي المجانين . 
و للاسف وافقت بعد ربع ساعة من الاقناع … و حصل اللي حصل و بهدلولي وشي بمعني الكلمة
و روحت للكبار و انا عاملة زي الشحاتين اقولهم : انا مجنونة و هبلة و عايزة اروح مستشفي المجانين .
كل الاكبار بصولي في زهول
و فجأة اتلقيت كل الشباب التانية طالعة من الغرفة بتقول : البنت دي هبلة .. ساعة تروح .. و ساعة تيجي .. ساعة تروح .. و ساعة تيجي ..
و فجأة فنبلة ضحك انفجرت
و طلعت انا الهبلة في الاخر 
[/align]