دام النصيب اللي علق في جبينـي ….لزمني الطيب وانـا فيـه لزمـت
فانـا علـى ماكنـت ياخابرينـي ….اجي لها راغب ولن عفتها شمـت
ارجع ورا خطوه عن الكارهينـي …وعشرين خطوه للمحبيـن قدمـت
من قلبي اللي فالهـواء مبتلينـي ….اللي تحزم بي وانا بـه تحزمـت
والجادل اللي مـا اظنـه نسينـي ….في وعدها من حين ماوافقت قمت
واخـذت ورده قاطفتهـا يمينـي ….لعلهـا تقبـل ملامـي اذا لمـت
ثم جيت موعدنا وهـي تحترينـي .وقامت عن الكرسي تسلم وسلمت
قالت يا….. خيـر قالـوا تبينـي .وهي تحاكيني وانا فالحكي همـت
قالت يا.. قول قلـت اعذرينـي .كل ماشوفك في كلامـي تلعثمـت
لكن باقـول وطالبـك تفهمينـي ….وتكفين مابغى احس اني تندمـت
قالت وش المطلوب قلت اسمعيني ….انا مـن اللوعـات يامـا تألمـت
صبرت لين الصبر بيـح كنينـي ….وانتي ظلمتيني وانـا ماتظلمـت
وانا ومن جور الزمـان وسنينـي ….منـي اعلمهـا ومنهـا تعلمـت
انتي تبين الصمت بينـك وبينـي ….طيب احبك كيف تنقال في صمـت
قول لي احبـك كـذا صارحينـي ….او لمحي والعيب لـو ماتفهمـت
قالـت المح قلت هاه خلصينـي ….وتنهدت وتبسمـت ثـم تبسمـت
قالت بلاش اقـول طالـع فعينـي ….وطالعت في عينه وسلهم وسلهمت
وحسيت شي يجرني مـع يدينـي ….وبغيت اطيح وفي يدينـه تلزمـت
وكنه يقول العشق فيكم وفينـي .مع انه الساكـت وانـا ماتكلمـت
وعرفت مما صـار بينـه وبينـي ….ان الشعور احيان ينقال في صمت
اعجبتني الابيات ونقلتها لكم 
وحسيت شي يجرني مـع يدينـي ….وبغيت اطيح وفي يدينـه تلزمـت
وكنه يقول العشق فيكم وفينـي .مع انه الساكـت وانـا ماتكلمـت
وعرفت مما صـار بينـه وبينـي ….ان الشعور احيان ينقال في صمت
ررررروووعه
منتهى
كلمات وشعور راق لي كثيرر
تسلم يدك ويسلم قلمك
وفعلا انو ينبع
من قلب صافي
وهذا ليسي غريب
عليك عودتني
دايم على لجديد والمميز
وانشاء الله الى الامام دايما
وعتذر عن ردي المتواضع
ودمتي بود
احلى قصيمي