اخباركم ..؟
اليوم جبتلكم وصفتين الاحب الى قلبي وبطني 
كوسه بان كيك وتونه كيك
اللي يحب التونه والكوسه راح يحبهااا حيل
لانها لذيذه وخفيفه وبنفس الوقت تشبع واحلى شي انها هيلثي 
نبدآ بسم الله
وصفتنا الاولى
تونه كيك
المقادير والطريقه
علبتين تونه يستحسن تكون اللي بالمويه اذا ماعندك مو مشكله بس صفيها من الزيت
ثلاث ملاعق شوفان
فلفل رومي
بصل اخضر
قشر ليمونه
ملعقه وسط خردل
فلفل احمر بودره , فلفل اسود , بودرة ثوم
ربع كاس مويه
نحط الخضار على التونه والخردل ونخلط
ونحط المقادير الباقيه ماعدا المويه ونخلط اذا ما تماسكت نحط المويه
ونشكلها مثل الصوره ونحطها ب الفريزر تقريبا 10 دقايق عشان تتماسك
ونجيب مقلى ونحط فيه ملعقه كبيره زيت زيتون ونحط التونه 4 دقايق لكل جانب (الصوره مسحتها بالغلط
)
لذيذه ومشطشطه 
وصفتنا الثانيه
كوسه بان كيك
المقادير
كوسه مبشوره (اذا الكوسه حقتك وسط خذي ثنتين اذا صغار خذي اربع)
بيضه
ربع كوب حليب
اربع ملاعق دقيق
بودرة ثوم
فلفل احمر بودره
فلفل اسود
ذرة ملح
الطريقه
نحط البيضه والبهارات ع الكوسه ونخلطه زين
ونحط الحليب والدقيق ونخلط راح يكون شوي ثقيل
نجيب مقلى ونحط فيه ملعقه كبيره زيت زيتون ونحط الخليط
4 دقايق لكل جانب اهم شي النار ماتكون عاليه
ونحطها على ورق الشمع شوي
وعوافي
ويارب يعجبكم موضوعي
فمان الله 