كيس كيكة اسفنجية الطحان
وده بيحتاج 6 بيضات
1/2 كوب ماء
الجديد بقى انى عملت الكيس على كيكتين و كنت خايفة لتبوظ بس الحمدلله طلعت هايلة كل الحكاية انى قسمت المقادير و الزمن على 2
و حطيته فى حلة المونيوم من غير ايدين مقاس 22
وفرشت فى القاع ورق زبدة
الكيس 500 جرام وانا استخدمت الميزان
وقسمت المقدار بالتساوى و كل مقدار اخد 3 بيضات و 1/4 كوب ماء
و من عندى حطيت معلقة نسكافيه جولد
و ضربت كل نص على حدا
دقيقة عالبطئ و 3 دقايق عالسريع
الحشو:
سقيت الكيكة اللى تحت بعصير تانج
وبعدين حطيت كريمه
على بندق مجروش
على فراولة مقطعة حتت صغنونة
حطيت كريمة عالكيكة التانية و حطيتها على الحشو
عشان الحشو يبقى جوه الكريمة محشور
سويت الجناب زى المحارة كده وسيبتها فى التلاجة تبرد
سيحت شوية مربى مشمش عالنار و سيبتها تهدا و دهنت بيها الوش
و بعد كده فردت الفندان عليها
الدبدوب اهوه
جميل صح
الزينة:
كلها بالفندان
و ده الشكل النهائى
يارب يعجبكم
يعطيك العافيه
حلووو الموضووع
في أنتظار القاادم
تحياتي
