اول شي تجيبي صدور حبش او صدور دجاج اللي تحبيه و ليكن كيلو و قطعيهم حسب رغبتك بس طبعا قطع صغيرة مو كبيرة بعد كدة جيبي بصل مقطع الى شرائح و حطيه في صينية او طنجرة مو مشكلة و حطي اللحم عليه و حطي اي بهار انتي تحبيه انا عن نفسي بحط كمون و فلفل اسمر و كزبرة ناشفة و شوية من توابل الشوي
و الان بعد محطيتي كل هادا جيبي كوب او كوبين زبادي و حطيهم على اللحم و البصل و خلطيهم كويس مع بعض و حطيهم عالنار و قلبيهم عالنار شوية لغاية متحسي اللحم نضج خلي الماء ينشف عليها شوية مو كلو ( المرق اللي بيطلع حطيه في صحن و جيبي معلقتين طحينية حطيهم عليه علشان تعملي احلى صوص للشاورما )
ملاحظة : احنا ما نحط ماء على الشاورما بس طبعا اللحم و البصل بيخرج منهم ماء و هادا هو الماء اللي انا اقصدو
جربوها ما راح تندمو و صحتين و عافية
يسلموووو