اخواتي الحبيبات انا حبيت اليوم اعرض عليكم تجربتي اللي يمكن تستفيدو منها وهي كالاتي :
انا متزوجة من سنتين تقريبا وحملت بعد 7 شهور من الزواج لكن ما تم الحمل ونزل من الشهر الاول بدون اي سبب يعني ما بذلت مجهود ولا اخدت دواء ولا شي و رحنا للدكتور المختص وحكالنا انو ما في سبب بس عادي لما ينزل اول حمل لانو في ستات الرحم عندهم بيكون لسه بدو فرصة لاستقبال حمل بس عادة الحمل التاني بيكمل لو ما في مشاكل
المهم بعد 6 او 7 شهور حملت مرة تانية ورحنا للدكتور واخدنا تحليل الحمل فكتبلنا حبوب الدفستون وابر للتثبيت لكن ربنا سبحانه وتعالى كمان هادا الحمل ما ارادله انو يكمل وبد كدة بدانا نعمل كافة التحاليل والفحوصات يعني عملنا كل تحاليل الهرمونات متل هرمونات النمو والحليب والاباضة والذكورة و كتيييييييييييييييييير فحوص وتحاليل تانية وكلها الحمد لله طلعت نظيفة وما بها شي فلجانا لابرة الزيت عشان يطمن الدكتور انو الانابيب في الرحم فاتحة وبتسمح بخروج البويضات والحمد لله طلع فيه انبوب مسكر بس الدكتور حكالنا ما يؤثر على حدوث الحمل
المهم بعد ابرة الزيت ( او الصورة التظليلية كما يسميها البعض او الصورة الصبغية ) بما يقارب شهرين او تلاتة حملت للمرة التالتة لكن ارادة ربنا سبحانه وتعالى فوق كل ارادةيعني برغم حبوب وابر التثبيت الا انو الحمل ماكمل ونزل في اخر الشهر التالت و اللي كان قبل اسبوعين تقريبا من اليوم وفي التنزيل الاخير فعلا تعبت كتييييييييييييييير لاني عملت فيه عملية وفعلا انها عملية مؤلمة خاصة انها بدون بنج كانت والحمد لله على كل شيء
المهم هيك صار اسمو هادا اللي صار معي اجهاض متكرر والدكتور حكالنا انو صار ضروري نعمل فحص الجينات و الحمد لله عملنا فحص الجينات ونتيجة الفحص كانت انو في عندي جين متنحي لكن الحمد لله طلع هادا الجين سائد عند زوجي الغالي وحكالنا الدكتور انو الحمد لله هيك عرفنا السبب وهو انو بيصير تجلط للدم حول المشيمة وهادا بيمنع وصول الدم للجنين من الام وهادا علاجو انشاالله بيكون بسيط وهو اخذ مضادات التجلط
وحكالنا الدكتور انو ناجل الحمل لمدة لا تقل عن 3_ 6 شهور واول ميصير الحمل بدو يكتبلي على مضادات التجلط وانشاالله بيكمل الحمل معها على خير بس لا تنسوا تدعولي
انا حبيت اعرض قصتي عليكم اول شي مشان اللي بيصير معها متلي تكون عارفة شو بدها تعمل وتاني شي منشان تدعولي بالذرية الصالحة _ الله يعطيني ويعطيكم ويرزقنا بالذرية الصالحة عاجل غير آجل
تقبلو تحياتي ودعواتي
لا تنسي تطمنينا عليك