طبعا المعاناه مع تبييض ط§ظ„ط£ظƒظˆط§ط¹ و الركب ما تنتهي .و وايد بنات يبون هالشي بس للاسف يا فيهن عيازة يسوون خلطات او ماعندهن امكانية انهن يشترن كريمات غالية فحبيت افيدكن بتجربتي الشخصية مع هالمشكلة و الحل كان سهل بشكل ما تتخيلنه (( الليمون )) يس الليمون لا تستغربن انا مرة فلبينية قالتلي انه ركبتها كانت سودة و استخدمت عصير الليمون و بيضت بس ما اقتنعت بكلامها بس بعدها بفترة بنت باكستانية بعد قالتلي نفس المعلومة فقلت ليش ما اجرب مب خسرانة شي و الموضوع سهل كل الي عليكن تسونه تعصرن نص ليمونة و تاخذن شوي من العصير بقطنه و تفركن الركبة فيها وبعدين استني 15 دقيقة و بعدها خذي فوطة فيها ماي بين الدافي و الحار و افركي المنطقة من الليمون و حطي اي مرطب انتي ترتاحيله بس .
شفتوا كيف الموضوع سهل و مايبيله شغلانة و بالنسبة لي صارلي شهر و نص استخدم هالطريقة و الحمد لله المنطقة تفتحت بنسبة 70% و ان شاء الله مستمرة بس لازم تلتزمن كل يوم بالليل طبقن هالخطوة و ان شاء الله توصلن لنتيجة ترضيكن.