اليوم تضايقت وايد من زوجي كنا رايحيين المستشفى إذني تألمني
وتعرفون زحمت المستشفى والإنتظار لين يجي دورالواحد يمديه
ينام له ساعه 
وكنت متتتتتتتتتتتتتأكده إنه راح يسوي مشكله معاي ""أحس قلبه يعوره إذا مر اليوم بدون مشكله
المهم أول شي بدأ يعلق على مشيتي وبعدين على العبايه إنها ضيقه وعلى فكره العبايه هذي اهو إللي شاريها لي وبختياره كل شي الشكل والمقاس وطبعااا ملبسني أوسع شي .
وكل اشوي يقوولي شكلك مو عاجبني
أحس إني أهبل وأنا أمشي جمبك وليش هذا ايطالع فيك وليش ذاك لف وجهه علينا وغطي عيونك ودائماا يقولي ليش اعيونك خضرليش ماطلعت سود مثل اخوانك وفكيتينا
وقبل كان يقولي غرامه عيوني كل شي تغير
طفشني لين جاء دوري
دخلت على الدكتوره وكشفت على إذني وبعدين قالت لزوجي لازم تحولني على عيادة الإذن والحنجره لان معاي إلتهاب شديد 
سألها زوجي دكتور ولا دكتوره قالت دكتور ومامداها خلصت كلامها سحبني وقال خلاص مانبغى شكرا
وكمل هوشته معاي بالسياره يقولي ماعترضتي يوم قالت دكتور بالعكس شكلك تبين تدخلين عند الدكتور
وتكشفين وجهك وشعرك خلاص الدنيا مسخره ومن هالكلام إللي يغث
وشلون ماتسمعين وتردين علي وشلووون ماتسمعين ومامداه الجوال يرن رديتي عليه وشلون………..
طيب وش أسوي أحس إني بصير صمخا مااسمع والله الألم قوي إللي فيني
دقيت على أكثر من مستشفى وسألت وقالوا دكتور مافي دكتوره وماراح تلقين دكتوره تخصص إذن وحنجره
قولولي ويش أسوي معاه والله انصمخت واهو راسه يابس يقووول ط¯ظƒطھظˆظˆظˆط± لا
كيف يقتنع بضرورة روحتي للدكتور ؟؟؟
في كل صغيرة و كبيرة الصبر 
وان شاء الله يحن قلبه عليك
وحاولي تاخذي لك ركن في المجلس وتجلسي
وايدك على اذنك وتسوي كذا تمثيليه
واذا جاااء يدور عليك
قولي ماحبيت ازعجك وتسمع صوتي وانا ابكي
اكيد راح يحزن
وموقفه في التمثيليه
دمووووووووووعك وبعدها يحن عليكي
أكشفي عند دكتور وبعدين أنتي تقدري تكشفي محل الوجع بس يعني تفتحي أذنك فقط قولي لي زوجك كذا عشان يقنع
الله يهديكم
تصدقي أحس أن حياتكم مافي أحترام وود مدري أيش السبب هل يكون منك أو منه هو ؟؟
ولكن سارعي في الأصلاح بينكم والله يصلح شأنكم يارب
تصدقي أحس أن حياتكم مافي أحترام وود مدري أيش السبب هل يكون منك أو منه هو ؟؟
ولكن سارعي في الأصلاح بينكم والله يصلح شأنكم يارب
أنا عن نفسي مادري ليش الوضع كذا بيني وبينه
أنا ماأتحمله وإهو بعد مايتحملني