ناس يجيها الموت وادري لها أسباب =وناس تجي للموت من دون سبّه
كلٍ على ما قيل تبكيه الاحباب=وانا بكاني هاجسي وسط غبّه
سود العيون اللي ذبحني بالاهداب=ارخى علي من العنا لين صبه
ارخى هدبهن واستوى صوب الأحداب=حتى سطى وسط العر وق وسحبه
ارسل سلامه وانثنى دونه الباب=لاخاف من ناسه ولا خاف ربه
ادري تقولون الهوى دوم غلاب =وادري عليل الحب يا صعب طبه
يالعنبوه الطرف ما يرحم الشاب=حتى كبير السن متولع به
خليتني مثل العمى يمسك الداب=يبي عصاته لكن الشوف ذبه
والا كما المجنون عنه العقل غاب=حاضر جسد والعقل مفقود لبه
دام السعد مفتون في موكب غراب=يشكي عليه من الشقى زود حبه
ودامي عرفت الحظ فيه الرجا خاب=حتى دفق كاس الأمل قبل اصبه
ماعاد به نار ولا فيه شباب=ياكليب خل ط§ظ„ظ†ط§ط± لا لا تشبه
[/poem]
الشاعر : صلاح العنزي[/frame]
وصح السان قايلها
والمرحب باقي
ولسان الشاعر
تسلم اخوي المرز
على هذه القصيده الرائعه
ولك من خالص الود والاحترام
يسلموو على النقل الجميل
المشاركة الأصلية كتبت بواسطة رفيع الشان 
سلمت ودمت
وصح السان قايلها
والمرحب باقي
هلا باخوي رفيع الشان
ولسانك وتدوم على العز والطاعة
ويا هلا ومسهلا والف شكر على مرورك المشرف
اخو المرز