السلام عليكم
عقب ماشفت مهند ونور رحمتكم ورحمت الجفاف العاطفي اللي عندنا قلت لازم يكون في كل بيت مهند ونور بس سعوديين وسعيا لهذا اناحابة اكتب لكم بعض الكلمات الحلوة اللي قد تساعد في لحس عقول الرجال وتسخيرهم لكم حتى لو انه مخيس واخلاقه زي وجهه انتي مجبورة تدارينه وتسمعينه حتسي حلو
بس ابيكم تدعون لي امانة من قلبكم بصلاتكم ان الله يخلي لي والديني ويعافيهم ويسهل اموري ويسعدني ويسخرلي من تولي امري ويرزقني بالرجال الصالح اللي يعزني الغني بدينه واخلاقه ومنصبه عاجلا غير اجل امييين وعشان اطبق فيه هالحتسي الي بكتبه لك
وادعو دايما ان الله يجملكم ويجمل لسانكم باحلى الكلام
مثل مانعرف ياحلوين ان العلم بالتعلم والحلم بالتحلم لاتجي الوحدة تقول استحي ماتعودت مدري ايش مافي عذريعني ترى حلاوة اللسان تيجي بالتعلم عشان ماتخسرين زوجك ولو كان وش كان مالك غناة عنه فاذا حابة تكسبينه كل يوم احفظي لك كلمة من الكلام للي بكتبه وطبقي فيه وقولي ياعسى ربي يسخرك لي
وبيني وبينكم مالوم الرجاجيل لو شافو غيركم ترى الرجاجيل ينرحموون مررة ياخذ له حرمة جفسة تقولين خوية مو مرته ذي تعلمي تكونين انثى تعلمي الحلم تعلمي الكلام الزين تعلمي كيف تتدارين الرجال لو وش كان <<<علمي نفسك يابنت خخخخخ
ويكون بعلمكم ياحريم ترى الرجال وش حده حده كليمة حلوة تطيره بالسمااااااااااااااء ويطيرك بك انتي
الرجال تراه ضعيييييييييييف لايغرك جفاسته الله يسخرهم لنا يارب
=ون= تو= ثري= اكشن نبدأ
=اذا قام الاطخم من النوم زوجك قوليله وش هالخياااس عشان يلفتس بكف خخخ
صباح سكر ياسكر-صباح الخير -صباح النور والسرور-صباحك عسل-صباح الورد-يسعد لي صباحك
=اذا ضف وجهه عنك وراح يرقد قولي له
تصبح على خير حبي-تصبح على بشارة حلوة-احلام سعيده قلبي-نوم الهنا والعافية حبي-اقرا المعوذات حياتي لاتنسى
=اذا دخل البيت قوليله -مبكر-خخخخ يمه لاتصدقون/
الحمدلله جيت حبيبي _تور مانور البيت-حيا الله تاج راسي-حيالله ابو فلان-اهلين حبيبي-اهلين يانور عيني-اهلا وسهلا ياتاج راسي-نورت حياتي_اسفرت وانورت وروحي له وضميه لاتقولين راحت علي انا عجوز..العجوز تتشبب
=اذا بيطلع من البيت قولي له في بليسن طار بك عشان تطلقين خخخ/ الله يحفظك حبي-ترجعلي بالسلامه ياعمري-الله معاك عمري-مع السلامه روحي-الله ييسرلك امورك حبيبي ويسخرلك اولاد الحلال-لاتسرع انتبه اذا انت مليت من عمرك تراني مامليت -الله يحفظك وين ماتروح-دربك خضرا
=وهو ياكل قولي جعلك الغصة عشان يسبحك بالشوربة/
مطرح مايسري يمري(ترى مدري وشمعناتها بس الظاهر انها حتسوة زينة)خخخخ_كلي من نفس ملعقتة-اشربي من نفس الكاسه الي شرب فيها ومن نفس المكان لو كانت شينة نفسك عليك بالتمثيل يافيفي عبده-اكليه بيدك-واذا خلص من الاكل قولي صحه وعافية حبيبي-بالعافيه قلبي اتمنى يكون الاكل عجبك حياتي والله الاكل ماله طعم الا اذا اكلت معي
ترى معاوية بن سفيان طلق زوجته عشان نفسها شانت منه يوم عطاها تفاحته اللي قرم منها قال كلي باقيها
=اذا قالك تامرين على شي
ابغاك سالم ياعمري-مابي الا رضاك علي-ما ابغا غير سلامتك-انتبه لنفسك
=اذا جابلك هديه او ورردة طبعا بالحلم يجيب وردةخخخخخ واياني واياتس تفشيلنه لو انهاهدية مخيسةلو جايب لك حطبة حبكم قوليله/
شكراحبيبي(اجل فيها)-تسلملي يارب-الله حبيبي تجنن بالمره لوانها مخيسة وحطين خطين تحت مخيسسسة-الله يخليك لي يارب وما يحرمني منك-يسلملي ذوقك ما احلاه-تعيش وتجبلي حبيبي الله يعوض عليك يارب
=اذا تعبان قوليله دوااك خخخ تراي امزح وترى الرجاجيل هواااااااالين لو جاءهم زكام يحس نفسه بيموت فخليك جنبه دايما وحسسيه بحنانك وقربك منه
سلامة قلبك روحي-سلامة عمرك -ياليته فيني ولافيك(استغفري بينك وبين نفسك خخخ)-سلامتك ياتاج راسي
=اذا قالك حتسي حلو(ترى مو لازم يقولك لاتحترين من الرجال شي ترى انتي الي بتدخلين النار بسببه مو هو بيدخل بسبتناوالا كان لعنا خيرهم)
تسلم لي حبيبي-يووه لاتخجلني(بدلع)-يارووووحي انت-ياعمري عليك وعلى كلامك الحلو-الله لا يحرمني منك ولا من كلامك الحلو
=اذا امرك بشي لاتكشرين قومي وفزي له علطول وقولي
حاضر حبي-امرك ياعيوني-تأمر امر انت-بأمرك انا-تكرم ياعمري-ابشر ماطلبت شي
=اذا كلمك بالتلفون او الجوال لاتقولين هاه وش عندك وش تبي متى بتجي ومتى بتجي تاخذنا والاتعال خذنا لابد من كلمة والا كليمة قبل خليك مؤدبة يابنت قوليله/
حتى الجوال نور-هلا بقلبوو-هلا بروحي وحبيب قلبي-تصدق اشتقت لك مووت-هلا حبي -هلا بنور عيني(حتى لوكنتي ماشتقتي له خخخ)
=لو رجع وبايده اغراض لاتقولين رح ودهم المطبخ قوومي فززي اقحصي يامال النعاس وشيل لو قوطي القشطة من بيده وقولي له
(يعطيك العافيه-لاخلاولاعدم-مانحرم منك يارب-يسلم عمرك وايدك-تسلم هاليدين الحلوين-ماتقصر عساك سالم-)
ومايمنع تبوسين يده وراسه بعد
نصائح مشكلة/ ومع فيمتو تحلى الاوقات(فاصل ونواصل)>>الله يشفيك بس
اذكرو الله وصلو على النبي اللهم صلي وسلم عليه
وادعو لي بالتوفيق في حياتي الجديدة <<عروس
اية مير قبل لاانسى الشهر عليكم مبارك والله يجعلنا من صوامه وقوامه يارب
نجي للنصايح
اتمنى من كل الرجال ان ماحب زوجته يخاف الله فيها
دايما عودي لسانك على اسم دلع تنادينه فيه خلي عندك كلمة مميزة وانتي تتكلمي معاه ماحد يقولها غيرك ولاتستحين مثلا ياحبي ياروحي ياقلبو ياقملتي خخخ لاتصدقون
خليك دايم متعطررة لو ماحطيت مكياج اهم شي الريحة والنظافةياحريم وياحرمات مع روج وش بيضرك لو حطيت حق ابوريالين ذاك الاخضر اللي يطول مايروح بسرعة
لاتحرصين على الليالي الرومانسية وتصيرين بثرة كل شوي اللي يقولون لاتصدقينهم احرصي على الكلام والنفسية الحلوةبالمقام الاول ومايمنع من فترة لفترة تسوين له مفاجات وطواعين خخخ واحسن لك اعزميه في مطعم تكونين حاجزة من قبل وهم يكونو مجهزين لك كل حاجة من ورد وخلافه او حسب اللي انتي تطلبينه
لاتقعدين بالقميص القطني حق بيت اهلتس عنده لو احتديتي البسي قطني بس ياقصير يابلا اكمام <<مسوية فيها اغراء خخخخ
احشمي اهله وامه لو وش ماشافتي منها وتصبري وعلى قولة امي يعافيها ربي
قولي هلا ولو في القلب سبعين بلا
حاولي بادنى التفاصيل تسوينها له اقل شي فرش سجادة الصلاة له او تجهيز الحمام تبخيره وهو رايح لصلاة الجمعة
مثلا عشان لو غبتي عنه يفقدك على ادنى شي فلاتستصغرين بعض الامور
واهم شي لاتخلين خدامتك تقدم له شي والا تمر من عنده وخوفيها انتي بعد قولي لهابابا مايحب يشوف حرمة غريب لو كان هو يتمنى نظرة منها خخخ يعني وحشيها من زوجك فهمتو ياقمرات
غمضي عن عيوبه ولاتنبشين ببلاويه لانك راح تتعبين وتنازلي يابنت ابوك لاتسوين فيها كرامة وخرابيط مافيه كرامة بين الازواج الا في حالات خاصة
مو على خمن وطري تزعلين ترى والله ماعاد يعرف لك بعدين ولاعاد يعبرك ابد كبري عقلك يافتاة الادغال يامربية الاجيال
حاولي تتطلعين على امور الرجال من اسهم وعقارات واللي يحب رجلك يتكلم فيه عشان تعرفين تسولفين معه لو ماكنتي تحبينها وسوي نفسك فاهمة عشان يتوطى في بطنك خخخ يعني بالمختصر المفيد شاركيه اهتمامته لو على حسابك
اتركي عنك العقل والثقل والرزانة مع زوجك يعني استهبلي معه امزحي معه لاتصيرين جادة ومسوية فيه حرمة خخخخ اجل وش انتي خخخ يعني مدري وشلون اوصلها لكم مثلا مايمنع تلعبين معه بلوت كيرم بلاستيشن تارافيان او حرب القبائل اللي طاحو فيها استهبلي وعيشي حياتك
انا دايما اقول لخواتي يمكن لاني مابعد تزوجت ولاحسيت بالامومة اقولهم دايما انطلو عيالكم وعيشو حياتكم انتي ماتضمنين ولدك يبر فيك عشان تحرمين نفسك وتحرمين زوجك من اشياء بسبة هالمبزرة اهم شي جبتي عيالك تبرية ذمة خخخ مايمنع من فترة لفترة تروحون لفندق وتنطلون العيال على الخدامة والا اهلكم ياجعل ربي يرزقني بالذرية الصالحة والله احب البزارين خخخ قولوا امين
لاتفضلين اهلك وجمعة خواتك على زوجك وارتباطته ولاتسوين نفسك زعلانة لو ماوداك لهم الا فقي هالخشة وابتسمي وقولي خيرها بغيرها ياعمري تعوضني بغيرها والا قولي انت اهلي اصلن تشوفين ماخق ووداك لهم
اذا زوجك حاب يسافر لحاله خليه وحطي خطين على كلمة خليه خليه خليه كانه حليو وقايم بحقك ومسفرك مايمنع تخليه لحاله مع ربعه عشان يرجع لك بنفسيه حلوة
ياحريم ياحرومات لاتضغطون على الرجاااااال ابد ابد لو كان معكم حق لانكم انتو اللي بتكونون خسرانين مو هم
وحطو في بالكم ان قوة المرأة في ضعفها لاتصيرين حية قلب وتخربين حياتك بيدك خليك دبشة دبشة دبشة معه
واذا جاكم صايل ومعصب لاتردين عليه ابد خليه لين يهجد وهمن ناقشيه ولاتزعلين لو ماخذ بكلامكــ….
وفيه قول عن عائشة رضي الله عنها تقول اعقل النساء التي لاتفقهه من امور الرجال شيئا يعني تكون دبشة دبشة دبشة ارجع اقولها لكم
يعني الزبدة والزبادي خليه حر بنفس الوقت مقيد وكل وحده ابخص برجلها وفارس احلامها كيف تروضه خخ
اسالي نفسك الصبر ليش مخلوق؟؟؟ ان ماصبرتي على زوجك وابو عيالك اللي بازيك وضافك من تصبرين عليه
لاتنسين ان حسن الخلق بلااااااااااااااش واتمنى تكوني فهمتي المقصد
الله يرزقنا واياكم حسن الخلق
واي حرمة زوجها رخمة مو تشيخيين عليه الا حسسيه برجولته مسكيييين
ترى مو زينة بحقك وتراها موشرف عشان الناس يقولون هالحرمة مشيه زوجها على كيفها تراها شيييييييييييييينة بحقك لاتصدقين الناس
ولو انك فعلا شايخة على رجلك ورجلك رخمة طلييك يعني عند الناس عالاقل لاتبينين هالشي تراها من جد شينة شينة شينة بقوووة
وملاحظة على بعض الحريم تحاسب عن زوجها بالسوق تطلع المحفظة وهو قاعد يطالع تراها شينة لو كنتي انتي اللي تصرفين عليه مثلا قبل ماتنزلون من السيارة للسوق عطيه محفظتك عشان هو اللي يحاسب مو انتي
انا صراحة ماشوفها مرجلة ابد ومدري كيف الحريم ترضى انها تحاسب عن رجال وهو موجود عطيه محفظتك والامرسهل
احترمو بعض لاتصارخون على بعض الاحترام هو اللي يدوم مو الحب
الله من وحدة تحب زوجها بس من معاملتها له تقولين عدوته يعني ماتحترمه
ياحريم ياحرومات يارجاجيل يارجولات حاجاتنا من جد نقص عقل
حاجتنا هواش وطقاق ونقرة ومناقر ولعانة حريم وتسلط رجاجيل
والله حسن الخلق بلااااش والابتسامة صدقة امشو ووزعو من هالصدقات خخخخ
يعني من جد وشو له نقرة ومناقر بين الرجال والحرمة وان جو قالو مساواة وطواعين انتو من جدكم مصدقين فيه مساواة مستحيل اصلن تكونين مساوية للرجال الا كانك سويتي عملية تحويل خخخخخخخخخخ
الا الله يخلي لنا ابهاتنا واخوانا وازواجنا ويسخرهم لنا ياارب ويخلي لنا نفيستنا ياارب
العقلانية عدو المشاكل<<<<حكمة مني خخخخ ياباولو كويلو على غفلة
وبالنهاية اتمنى اني اكون افدتكم بشي بسيط ودعواتكم لي تراني محتاجة دعاءكم ولاتنسون الدعوة بظهر الغيب لاخيك المسلم انها ولك بالمثل
ترى لو ماتدعون لي لاجي اكفخكم تكفيخ واعلقكم بالمروحة
اهم شي ادعو لاميمتي وابوي يخليهم لي ويعافيهم يارب ويزيدهم قوة يارب ولايحوجهم لاحد وادعو لي بعد يالشينييين<<<اطركم طرارة الظاهر وانا مدري خخخ
بما اني فوزية الدريع المسنتسخة اللي حاب يتواصل معي يتصل على 999 ترى الشرطة في خدمة الشعب نياهاهاااها ودئي يامزيكا وهزي يانواعم والمرة خربتها باخر شي
===منقوووووووول لعنونكم===.gif "Eh S(15)")
والله يرزقنا الأزواج اللي نطبق نصايحك فيهم .
والله يوفقك ويسر أمرك ويرزقك الزوج الصالح ويخلي لك والديك
ويسخر لك من تولى أمرك وجميع بنات المسلمين آآآآمين
اسال الله ان يرزقني واياك الرجل الصالح والذرية الصالحة
وان يعيننا في الدارين
