الخطوات نضع البصل والثوم في حله علي النار ونضع معلقه سمن ونبتدي نشوح فيهم لحد لما البصله تصفر
تاني خطوه نحط البهارات بتاعه الكبسه اللي هي صحيحه وبتجيبيها من عند العطار
وبعدين نشوح شويه ونحط معاها بهارات الكبسه المطحونه برضومن عند العطار
ومن عندك بقي كده رشه فلفل اسود ورشه جن.ل ورشه كركم
وهتلاقي الريحه جنان
بعدين تكوني سلقتي اللحمه نص سلقه كده وتحطيها مع البهارات علشان تاخد الريحه والطعم
وتسيبيها لحد ما تاخد لون دهبي
وتكوني ضربتي طماطميتين في الخلاط
وغسلتي الرز البسمتي ونقعتيه
وبعدين بعد كده تضيفي الطماطم علي اللحمه في الحله
وتسيبيها لحد ما تتسبك
وبعدين نشيل اللحمه من الحله
وبعدها تضيفي ملعقه صلصه ودي اختياري
وبعدين الفلفل الملون
وانا بحبه فلفل حر علشان تبقي سبايسي كده
وبعدين تضيفي الرز وتقلبي لحد ما تمتزج كلها مع بعض
وتظبطي الملح علي حسب رغبتك
وبعدين نضيف المكسرات وال.ب ونقلب
ونسقي الخلطه دي بالشوربه ونغطي الرز اكتر من الرز العادي بشويه صغننه
ونسيبها تغلي وبعدين علي نار هاديه لحد ما تستوي
وبعدين نحط اللحمه في قارب ونكبس عليها الرز بعد ما يستوي ونقلبها في طبق وبالهنا والشفا
إن شاء الله تكون وصفة لذيذة