أوها ويا ورد بزرارو
أوها واللي مابيحبك ياعريس
أوها ان شاالله بتنخرب ديارو
للللللييييييييييييييش
%%%%%%%%%%%%%%%%
اوها وساوينا مجدرة
أوها وطلعت مدردرة
أوها والي ما بيفرح معنا
أوها يضرب راسه بالطنجرة
لللللييييييييييش
%%%%%%%%%%%%%%%%
أوها صلوا عالنبي
أوها وزيدو صلاتو
أوها واللي مابيصلي عالنبي
أوها الله يقوي حماتو
للللللللييييييييش
%%%%%%%%%%%%%%%%
ببيتنا نجاصة
أوها حلوة ورقاصة
أوها واللي شاف عروستنا وماصلى عالنبي
أوها تفوت بقلبو رصاصة
للللللليييييييش
%%%%%%%%%%%%%%%%
أوها ياصحن مجدرة
أوها ومجلل بالكزبرة
أوها وعروستنا حلوة
أوها ومابدها غندرة
لللللللليييييييييش
%%%%%%%%%%%%%%%%%
أوها الدهب بقفاصو
أوها والألماس بجراصو
أوها واللي بياخد من بناتنا
أوها بيمشي وبيرفع راسو
للللللللللييييييييش
%%%%%%%%%%%%%%%
أوها طبخنا مجدرة
أوها وجللناها بالبصل
أوها واللي مابيحبنا
أوها انشالله عبيتو مابيصل
لللللللللييييييييييش
%%%%%%%%%%%%%%%%
أوها بناتنا مخباية
أوها ورجالنا مرباية
أوها وجهازنا عالموضة
أوها سجاده ومرايه
للللييييييييش
%%%%%%%%%%%%%%
أوها تشي بشي
أوها وطبخنا محشي
أوها نحنا بيت فلان
أوها وبيلبقلنا كل شي
لللللللللييييييييييش
%%%%%%%%%%%%%%%
أوها يا صحن رز بحليب
أوها كل مابرد بيطيب
أوها وكلنا أهليه
أوها ومافي حدا غريب
لللللللليييييييييييييش
%%%%%%%%%%%%%%%%
أوها عاللعلعي عاللعلعي
أوها يا صبايا اتجمعي
أوها يا ليل طول طول
أوها يا شمس لا تطلعي
لللللللللييييييش
%%%%%%%%%%%%%%%%%
أوها حصنتك بطـــهَ
أوها وياسين وراها
أوها وعروستنا تريا
أوها و"العريس" اشتراها
لللللللييييييييش
%%%%%%%%%%%%%%%%%%%
أوها أساور الدهب تلبق لإيديكي
أوها وكندرة البيضا تلبق لرجليكي
أوها وإن أجو الأعادي يتفرجوا عليكي
أوها لا هني متلك ولا يتشبهوا ليكي
ولللللليييييييييييش
%%%%%%%%%%%%%%%%%%%
أوها شو هالنهار الرايق
أوها حبوه كل الخلايق
أوها وطقت قلوب الأعادي
أوها لمن حقت الحقايق
وللللللييييييييييييييش
%%%%%%%%%%%%%%%%%%%
أوها زرعنا بطاطا
أوها وطلعت كماية
أوها وتتهنى يا "عروس"
أوها بهـــــالحمــايــة
لللللللليييييييييييييش
%%%%%%%%%%%%%%%%%%%
أوها ياجماعه كلكن
أوها انشالله بيفرح قبلكن
أوها اليوم الحمدلله عنا
أوهاوانشالله بكرا عندكن
للللللللللللللللييييييش
%%%%%%%%%%%%%%%%%%%
أوها يا عروس مشي على حذر
أوها اهل العريس جاين متل زخ المطر
أوها جاين من صغيرهن لكبيرهن
أوها جايني ليقربو الشمس لحد القمر
لللللللللليييييييييييييييش
%%%%%%%%%%%%%%%%%%%
أوها تنيني تنيني
أوها وعين الله على تنيني
أوها عريسنا على النبعه
أوها و"العروس" على العيني
للللللللللللييييييييييييش
%%%%%%%%%%%%%%%%%%%
أوهاطبخنا فتوش
أوهاوعملنا الخيار قروش قروش
أوهاويلي ما بيصلي على النبي
أوهاان شالله يشبه ياسين بئوش
لللللللللللييييييييييش