انا مصريه عمري 29 سنه متزوجه من سنه تقريبا لي وجهه نظر في الحياه بنيتها من خلال تجربتي وحياتي في بيت ابي طول عمري عارفه ان كل انسان له مميزات وله عيوب عشان كده مبحبش الشكوي ولا التاذمر زي ما بيقوله وابوية كان حنين اوي وكريم جدا وعلي طول بيضحك مبيحبش يشيل للدنيا هم ودي كانت دايما نقطه الخلاف بينه وبين امي ابويه راجل شرقي يحب دايما يكون هو المسيطر المتحكم في كل حاجه لكن امي كانت دايما تعانده وتنافسه بحجه لازم نعمل حاجه للمستقبل ونامن مستقبل العيال وللعلم فقط ابويه الله يرحمه مات من سنه 1999 والحمد لله ماما لغايه دلوقتي بتامن مستقبلنا مع اننا كلنا كبرنا وانا اصغر واحده دلوقتي لكن طوال عمرنا متدبهدلين وعمرنا ما عشنا في رغد من العيش مع اننا والله مبسوطين جدا المهم ابويه الله يرحمه كان صاحب مطعم وعند عربيه وارض كبيره في بلدنا باسم امي وكنا كلنا صبيان وبنات نشتغل مع بابا ونساعده وكان ابويه الله يرحمه يحبنا اوي ويحب ماما لكن اوقات كتيره اوي يتخانقوا والجيران كلها تتفرج علينا بسبب ان ماما كانت تعاند بابا في الامور الماديه ماما تحب تحوش وبابا كان بنفسه يعمل مشروع ويبيع الارض مع العلم هو اللي شريها-ويكبر بيها المطعم لكن ماما رفضت ومن هنا بدات المشاكل ومات بابا وهو نفسه يعمل المشروع ده -الارض دي لسه موجوده لغايه دلوقتي بعد 15 سنه زي ما هيه-عشان كده كانت سمعتنا في الشارع مهزوزه شويه….يتبع
كملى كلامك ؟
هو انتى بتدورى على حد يشترى الارض دى يعنى ولا ايه المقصود ؟
منتظرينك………….يالغلا
بننتظر انك تكملي القصه …
كملي قصتك عشان نقدر نرد عليكي