نعومة أقدامك دليل أنوثتك{حل لتشقق الأقدام}

الموضوع بكل بساطه وبدون دوشه عن تشققات الاقدام وعلاجها…
مافيه وحده بالدنيا ما تتمنى رجولها تكون زي البيبي ناعمه ورطبه.. ما راح امدح نفسي واقول اني ماقد عانيت منها

لكني أهتم فيها وأحرص على نعومتها وكل ليله لازم أتدهن وأنام..أذا ماتدهنت أحس تجيني كوابيس خخخ..و لأن الرجلين بالنسبة لي من علامات الأنوثه والنظافه..و أنا من النوع اللي أول ماتطيح عيني على الوحده أشوف رجلينها إذا هي حلوات أو لا…
يعني قاعدة عندي(وريني رجلينك أقولك من أنتي )هههههههههه

والمشكلة والطامة الكبرى لما تجيك وحده كاشخه ومتعطرة أغلى عطر ولما تشوفين رجلينها حفريااات وشوك. خطر تسحب معها الفرشه اللي جالسه عليها ,,والثقه لابسه صندل مدري وش تحس فيه…وإلا ريحة النفس من فمها وأسنانها تطيح الطير من السما <<<أدري طلعت عن الموضوع لكن حتى نظافة الفم من الأنوثه..

فأي وحده فينا أكيد تطمح للكمال والكمال لله لكن نبذل مجهودنا في عنايتنا..يعني مايصير تهتمين بشي على حساب غيره,يعني تهتمين بشعرك وبشرتك ومهمله يديك أو رجليك..أو العكس..

{نرجع لموضوعنا

موضوعي هذا من أسبوعين ودي أنزله بس العجز الله يكفينا الشر<<<<أدري بعضكم مايحب الهذر لكن ماعلي منكم أبهذر فوق روسكم خخخخ

أنا شفت الطريقه هذي في منتدى ثاني وطبقته وكانت نتايجه خطيييييييير وسريعه..
يعني للي عندها مناسبه بعد أسبوع يمديها تعدل رجلينها ويعتمد على مدى سوء الحاله..

ما أطول عليكم عندكم الصور من تصويري وجهدي والطريقه بتكفي وتوفي …وأذكروا الله <<خايفه من عين الشبكة العنكبوتيه خخخ

أول شي أبوريكم صورة التشققات اللي برجلي بعد ما أهملتها بسبب الحوسه والإنشغال.فكنت جالسه على الاب إلا وتطيح يعني على رجلي أنا صرت كذا وش صاااير؟؟؟فقمت أطبق الطريقه وجيتوا على بالي وبحثت في المنتدى إن كان فيه أحد مسوي زي الطريقه أو لا.فلقيت هذه الصوره والكل أنهبل عليها وهي تقشر رجلينها.

سؤال أنتم بكامل وعيكم لما عجبتكم الطريقة؟؟هذا إجرااام بحق الرجلين أتفق معكم الكعب جلد يابس ويحتاج تقشير لكن مو بهالوحشيه.حشى ولو أني بطاطس وإلا جزر..
النتيجه بالبداية بتكون مرضيه لكن بعد كم يوم بتطلع مخططات وأراضي مربعات من التقطيع بالجلد…
لكن طريقتي أحلى شي<<<تمدح نفسها
أول شي الأغراض متوفره بكل بيت وتقدرين تستبدلينه بالموجود عندك…

اضغطي هنا لمشاهدة الصورة بحجمها الأصلي

*مجموعه كريمات وصنفرة وأدوات تقشير+جوارب وفوطة للتجفيف<<بنتعرف كل واحد عند كل طريقة..

هذي رجلي قبل التجربة..

اضغطي هنا لمشاهدة الصورة بحجمها الأصلي
بالنسبة للأدوات:
1*هذي أحسها ماتسوي شي بس تنظف من الأوساخ لكن ماتقشر..
2*هذي أستخدمها لما يكون في رجلي جلد زايد في الكعب يعني زي الخشونه وتبرد الجلد الزايد..
3*هذي من أحسن ماطحت عليها خطيييير وعلى شكل أسفنجه يعني مو قاسيه حصى لا.محشيه بأسفنج قوي شوي.
4*هذي زي المبشره بس أحسن ماتجرح الجلد ولا تقطعه وتعطيك نعووومه وتوحد شكل الكعب وهذي اللي أشتغل عليها..
أما فرشة الأسنان فهذي لتنظيف الأظافر واللي وحول الاظافر >>كانت عندي فرشه خاصه للرجل لكن ضاااعت .

يتبع