مكرونه فوتشيني بالصور يا ماحلاها طبخة

علبه مكرونه فوتشيني او المكرونه العاديه احبها اكثر
صحن صدور دجاج مقطع مكعبات او بالطول >> أفضل دجاج اليوم من المراعي مافيه زنخه وطازج
بصل مقطع جوانح
فصين ثوم مدقوقه
زيتون اسود شرايح
فلفل رومي اخضر >>> ممكن تحطين الاحمر والاصفر بس ما كان متوفر عندي
فطر طازج >> ايضا ما كان متوفر بس عموما ألذ من المعلب
كريمه خفق علبه ونص صغيره .. او علبه وسط
جبن موزاريلا كيس كامل
2 ملعقه جبن سايل
ملح
2 ملعقه حلى بهارات البيتزا
1 ملعقه حلى بودره البصل
1 ملعقه حلى بودره الثوم
1 ملعقه حلى بابريكا

نجي للطريقه ^_^

اول شي نجهز المكرونه نسلقها ونحط لها زيت وملح
وبعد ماتخلص نصفيها ونضيف عليها الزبده ..

نجيب صاج ونحط شوي زيت ونشوح البصل ليما يذبل ..

نضيف قطع الدجاج ونخليها تطبخ لين مويه الدجاج تقرب تجف

ونزيد على الدجاج مويه مغليه ونخليه يطبخ عشان نضمن انه استوى ومايكون ني ..
وانا هذي طريقتي بكل الطبخاااات والحشوات للمفروم لازم تنطبخ مع المويه .. ونضيف المــــــلــح

بعد ما تنزل المويه ويبقى مويه قليله ويكون الدجاج استوى اضيف الثوم المهروس
والبهارات كلها >> هذا سر انو ما اضفتها مع الدجاج من اول ما حطيته عشان تحتفظ بنكهتها وماتروح مع كثر الطبخ ..

اضيف الفلفل الرومي والفطر اذا موجود والزيتون الشرايح

هنا خلاص طفيت النار .. وصار جاهز ..

ونضيفها ع الدجاج ونولع النار عليهم شوي 5 دقايق بس

بعدين نضيف الخليط على المكرونه ونخلطه مع بعض ..

وهذا الشكل لنهائي ..

صوره اقرب ^_^ وينقالي اتعلم الاحترافيه ومنها تعذيب للجوعانين

ويتقدم معاها خبز محمص او سلطه خضرا بالفاصوليا الحمراء وببسي ويممممممممي ع الطعم ولا احسن مطعم في وسط ايطاليا ..