هذي أول مشاركه لي بالمنتدى..و فكرت أسجل بهالمنتدى لأني جد تعبانه و محتاجه حد ينصحني و يعطيني حل.. المشكله انا ما بقدر آخد رأي أهلي بهالمشكله لأن أهل موجودين في بلد و انا في بلد تانيه.. ما بدي أهلي يحملو همي أو يقلقو علي.. فياريت حد يساعدني لأني جد جد تعبااااااانه…. يمكن أطول عليكم شوي.. بس لو سمحتو اتحملوني 
أنا تزوجت من 5 شهور بس… زوجي انسان طيب جدا و متفاهم و الحمد لله العلاقه بينا تمام.. بس ظ…ط´ظƒظ„طھظٹ مع أهل زوجي..
أنا موظفه و برجع على بيتي الساعه تقريبا 6 المسا.. و طبعا برجع على ترتيب و طبيخ و تنضيف لحتى يوصل زوجي من شغله ( هو تقريبا يوصل البيت الساعه 7 المسا)… طبعا او ما يوصل بنتغدى مع بعض و بعدين بنشغل بتنضيف الصحون و بشتغل بالمطبخ و بعدين ممكن نقعد مع بعض نشرب شاي و بعدين خلص احنا التنين بنكون منهارين من التعب و بندخل ننام… باختصار انا بشوف زوجي يمكن ساعتين او ثلاث باليوم بس..
مشكلتي اني بكون أستنى عطلة نهاية الأسبوع بفاااااااااااااارغ الصبر لأن بكون نفسي ألبس و أتعدل لزوجي و نفسي أطلع معاه أغير جوي و نقضي وقت حلو مع بعض لأن باقي الاسبوع بنكون مشغولين… بس المشكله ان خوات زوجي مو معطيني مجال بالمرررررررررررره اني أعمل هالشي..
كل عطلة نهاية أسبوع لازم نقضيها معهم و المشكله ان زيارة أهل زوجي ما بتكون ساعه أو ساعتين أو ثلاث!!!! المشكله ان أهل زوجي لما يقضو معنا عطلة نهاية الأسبوع بقضو طوووووول اليوم عنا و احيانا يا اما احنا بنام عندهم او هم بنامو عنا.. هالشي كتييييير متعبني لأن زيارات أهل زوجي لبيتنا بدأت من ثاني أسبوع من الزواج (لأن انا و زوجي ما سافرنا بشهر العسل بسبب ظروفه).. و انا كتير بيجيني ضيوف بنهاية الاسبوع عشان يباركولنا بالزواج و أهل زوجي بكونو عارفين انو احنا مضيوفين و مع هيك بصرو انهم يجو على بيتنا بوجود الضيوف و المشكله انو هم عندهم أولاد صغار و بقضي نهاية الأسبوع تضيف و مجاملات و تنضيف و بشتغل و كأني آله.. من يوم ما تزوجت وا انا نفسي بنهاية أسبوع هاديه بس للأسف ما صار هالشي لهلأ.. بصراحه هالشي صار بس مرتين بس انا كنت قبلها عامله مشكله لزوجي و قلتله انا مو قادره أتحمل انا من حقي أرتاح طبعا هالكلام ما عجبه و أخد الموضوع بحساسيه و اتهمني اني بكره أهله… انا ما بكره حد بس انا بدي شوية وقت حلو مع زوجي و خصوصا اني بعتبر لسا عروس
كل مره أهل زوجي بيجو عندي بنامو يومين و احنا عنا بالبنايه مسبح طبعا اولادهم بنزلو على السباحه و برجعو بخبصولي البيت وا انا بقضيها أشتغل وراهم و آخر مره جو عنا نزلو يسهرو عالمسبح الساعه 9 بالليل و الأصواتهم كانت عاليه و اجا حارس البنايه كلمنا و قلنا خلاص متى بتطلعو بيتكم و انا اتفشلت لأني عرفت ان الجيران اشتكت من أصواتنا…
او مرات احنا بنروح نبات عندهم و طبعا بقضي يومين بالحجاب لأن زوج أخته موجود ..أو مرات ما بنبات عندهم بس بهاليوم لازم نروحلهم من الساعه 10 الصبح لل 12 بالليل ( يعني كل اليوم راح و خلص مافي وقت لزوجي خاص) و يا ويلنا ازا تأخرنا عليهم الصبح لأني رح اسمع تعليقات و مزح ثقيل منهم…
طبعا هاد غير تدخلهم بزوجي بتخطيطنا المستقبليه و الأمور الماليه و انهم بتداينو من زوجي بالألاف و ماحد بفكر يرجعلو شي (مع ان حالة زوجي الماديه مو كتير منيحه و لحد هلأ بيتنا مو كامل و بنقصنا كتير أشياء و هم عارفين ان هو عريس و طبعا طالع من تكاليف عرس و خطوبه و الخ الخ الخ…).
خوات زوجي ما بعاملو سلفتي (مرت أخو زوجي الكبير) بنفس الطريقه و كل شوي بقولو ان سلفي الكبير (يعني أخو زوجي الكبير) و مرته بتعبو في الشغل ومابدنا نز عجهم(طيب ليه بحبو الازعاج لي). زوجي هو الأخ الصغير و الكل ماخد عين عليه و مو متعودين ان يكون اله قرار شخصي و حياه شخصيه.
أكتر من مره زوجي يوعدني ياخدني على مكان نغير جو انا و هو…بس كل مره بتفشل لأنهم بتصلو بدهم يزورونا او يشوفونا (طبعا هالشي كتيييييييير بقهرني) و لما أسمعهم بحكو معاه على التلفون و يخبروه انهم جايين عنا انا بحكيله ان المفروض ان انا و انت بدنا نطلع اليوم!!! بجاوبني انا كنت بدي أطلع معك بس انا ما بقدر أعتذر من أهلي!!!!. (أهله على عيني و على راسي بس انا كمان الي حق).
آخر مره خططت أطلع مع زوجي كنا رايحين نتغدى سوى يوم جمعه و بعد الغدى نطلع نزور أخوي.. بس كالعاده اختو اتصلت فينا بدها نروح عندها اجا زوجي نسي اني بدي أشوف أخوي و صار بدو يقضي السهره مع خواته… طبعا بهاليوم انا انفجرت و فتحت معاه كل المواضيع السابقه و زعل مني و حكالي انتي بتكرهيهم و مضينا يومنا زعل مع ان المفروض كان يوم مخطيطين له و المفروض ان يكون يوم حلو… طبعا و صلنا بعد الغدا عند أخته و سمعنا تعليقات سخيفه عن ليش تأخرنا و ليش تغدينا برى و المشكله انها تسوي نفسها تمزح ..
انا ما بدي أبعد زوجي عن أهله و لا بدي أقطع العلاقه بينهم.. انا كل الي بدي ياه انو يخصص وقت الي خاص و يخصص و قت لهم..و يحترم اتفاقياتنا… و كمان ما بدي يدخلو في مخططانه المستقبليه و أموره الماديه.. و شغله أخيره بدي لما يكون عندي ضيوف أستقبلهم على راحتي و ما يكون عندي 15 شخص بالبيت لأني أصلن ساكنه بغرفه و صاله…
انا بحب زوجي كتير ما بدي ياه يزعل بس كل ما أتكلم معاه بصراحه بتقلب مخانقه و اتهامات..
نفسي زوجي يتغير…شو أعمل؟؟؟؟
انا طبعا ما ذكرت كل المواقف الي بترفع الضغط عشان ما أطول الموضوع أكتر من هيك..
ساعدوني كيف أتصرف؟؟؟؟؟؟؟؟
ولاتحكي مع زوجك بهذه الموضوع كتير رح يفهم هذه الشي لحالو
وانتي حاولي تحكي لاخوات زوجك او لمحيلهون انك ماراضيه بهذه الشي…
اسفه مااعرف بهذه الامور كتير لان انا كمان عروس جديده
اتمنى لك حياه زوجيه سعيده
انتضري الاعضاء يفيدوكي…
حبيبتي الله يعينك بالاول
ثانيا انته لسه عروس يعني يبغالك وقت عشان تتعودي عليهم وعلى اطباعهم بصراحه ثقيلة الدم
كلنا بنحب اهل زوجنا ومنتمنى ابدا انه تنقطه علاقة الزوج باهله بس احيانا مواقفهم البايخه ترفع الضغط
شوفي حبيبتي اهم شي انك ماتسوي مشكله مع زوجك لانه لسه ماتعودت عليك لانكم ببداية حياتكم الزوجيه يعني كل ماعملتي له مشكله بسبب اهله
كل ماكبرت بينك وبينه وفهمك غلط وعلى مزاجه وكل كلمه والثانيه يقولك انتي تكرهي اهلي
الموضوع اولا واخيرا بايد زوجك
بهدوء وعقلانيه اتفاهمي معاه ابدا لايحس ف كلامك انها اوامر
اعرفي نقاط ضعف زوجك واستغليها بطريقه تخدم حل مشكلتك
حاولي تقنعيه اسبوع لك انت واياه والاسبوع الثاني لاهله
اذا رفض وانا اتوقع هالشي استني كمان عليه
اخترعي اي قصه بس عشان ماتروح يعني مره سوي نفسك تعبانه واتقني الدور مزبوط ههههههههه
ومره اعزمي اخوك عندكم
ومره هو خليه يعزمكم
بكذا راح زوجك يندمج ف الموضوع من غير مايحس بتخطيطك المسبق
ربنا يريح بالك ويقر عينك بزوجك دائما وابدا
اول شي احب اقلك ياه احمدي ربك ان مشكلتك مع اهل زوجك وليست مع زوجك
ياعمري انت ممكن اهل زوجك هنن بحبوكم اووووووي وبحبوا زوجك اووووووووي وعلشان حبهم لكم وفرحتهم الكبيرة بزواجكم كدة بصروا انكم تزوروهم دائما
بس انا بقلك حاجة
اول شي ما تعملي مشكلة مع زوجك بسببهم
خلي مشكلتك معاهم بس لما تشوفيهم وما تنقلي المشكلة لبينك وبين زوجك
حاجة تانية
انت اخترعي اعذار في بعض الجمع علشان ما تروحو مثلا اطلعوا من البيت قبل ما يتصلوا فيكم ولما يتصلوا اعتذورا منهم
عادي انت خدي التلفون من زوجك وردي عليهم وقولي لهم اهلا وسهلا بس نحن حاليا مو بالبيت شي شوي اذا صار فرصة رح نجي عطول لان نحن مشتاقين لكم
فهمتي علي
وهيك اوقات روحي عندهم واوقات ما تروحي اطلعي مع زوجك
وعلشان تعليقاتهم ياحببتي انت … طنشي تعليقاتهم خالص
اعتبري نفسك ما سمعتي ولا حاجة
بس ابتسمي واكتفي بابتسامتك وصمتك
واياك تردي ع تعليقاتهم … لو رديتي ع تعليقاتهم هيزيدوا التعليق
وبنصحك ما تنقلي هالاشياء لزوجك علشان ما يزعل
وانت هالامور حليها بذكائك ومعرفتك من خلال تطنيش تعليقاتهم وغمرهم بكلامك المعسول
وطريقة اعتذارك الذكية بكلام موزون وممزوج بكلام شوق وشكر لهم
ياااااارب يريح بالك ويقر عينك بزوجك
حببتي عمرك ما تزعلي بسبب طلعة مع زوجك او شي
لان الحياة كلها امامك ورح تطلعوا اكيد اكيد …. صدقي لسة انتو في بداية الحياة ورح يجي الوقت وتتطلعوا
صح انا لم ادخل حياة زوجية لكن هذه وجهة نظري
الحمدلله
اتفق مع اختي لمسة انوثة الموضوع سهل باذن الله
ربي يوفقك وجمعة الاهل حلوة
بصمتي الهادئـة
بــس أنتظـــر…!