السلام عليكم و عواشركم مبروكة اليوم جبت ليكم وصفة سهلة ديال طورطة باردة بالفلان
بالنسبة للمقادير غادي نحتاجو
الحليب و الفلان و البسكوي و القهوة و الزبدة و كاكاو و مايزينة و الفاني و السكر
بالنسبة ل لتر حليب كنعمل : 4 معالق كبار سكر و 2 معالق كبار مايزينة و 2 فلان أي نكهة بغيتي
كنخلط كلشي بالحليب و نعملو يغلي بلا ما يعقاد
نبلل البسكوي ف نسكافي مدوبة و نوضعوه فمول مستطيل ( 2 طبقات من البسكوي )
لما وجد الفلان كبيته فوق البسكوي و دخلته للثلاجة سمحو لي نسيت ما صورت المرحلة
الطبقة 2 هي كريمة القهوة نحتاجو لها :
-كاس الماء
-2 معالق سكر
-2 معالق مايزينة
-2 معالق كاوبيل
-2 معالق نسكافي
-2 معالق زبدة
اللي ما يعجبهاش مذاق القهوة تعوضها بالكاكاو يعني 4 ملاعق كاكاو .و بالنسبة للكاكاو انا استعملت الكاكاو الحلو ما استعملتش الاصلي
كنعمل الماء بالكاصرولة ثم كنضيف مايزينة و ونخلط مزيان حتى تتطلق ثم كنضيف نسكافي و الكاكاو ثم الزبدة و السكر
ثم كنعمل الكل فوق النار حتى تعقاد و نخليها تبرد ثم نصبوها فوق الفلان البارد
الطبقة 4 هي كريم باتسيير ؛انا استعملت الجاهزة و اذا لم تتوفر عندك بامكانك تحضيرها و انا سبقت لي وضعت طريقتها في هذا الرابط
و هذه صورة الكريم الجاهزة
من بعد ما توجد الكريم نصبوها فوق كريمة القهوة اللي سبقلنا وضعناها في الثلاجة باش تبرد و نوضعو فوقها طبقة اخرى من البسكوي المبلل في نسكافيه
و دخلوها للثلاجة ثاني باش تقدميها باردة و هاهي من بعد ما خرجتها ؛نسيت ما صورتها حتى كلينا منها ههههه
عذروني انا فاشلة في التزيين ههههه بالصحة و الراحة وما تبخلوش علي بالردود 