إلا ط§ظ„ط؛ظٹط§ط¨ اللي يجيني بلا أسباب
تكفى أمانه لا تجيني حروفه
خل الوطن ما بين الأحباب ينساب
وخل العلاقة باقيه ومعروفه
ادخل على الله واقفل اليوم هالباب
وافهم كلامي لاتجيب النكوفه
ترى الغلا ما بين الأنفاس جذاب
وترى الجفا يذبح معاليق جوفه
يكتم خفايا لوعة الأمس بحساب
وانه يجي له يوم يمكن يشوفه
يمكن ولكن وين هاليوم وش جاب
غير الجروح وهم لوعه وخوفه
وانفاس حزن والملا حوله اغراب
يشكي ينادي والمواجع تلوفه
ياكم عذب هالجفى قلب الاحباب
وياكم تاقف للمحبه ظروفه
لكن أمانه افهم اليوم لو غاب
عني خيالك ما تغير وصوفه
ومهما تغيب وغيبتك دون أسباب
ابنتظر والشوق يحفظ حروفه
فهيد البقعاوي