قصيدة خاصة لعالم المرأة

لا يــــــا رفيقـــي علامك كــمّل السمــره ..
محتاج اسولف عن همومي عن احـــزاني ..

الصــــــدر ضايق ترى ما يحتمل جمـــــره ..
والقلب مـــــا عـــاد نبضــــه يعزف الحاني ..

الصـــــوت مبـــــحــوح ما باقي معه نبره ..
ودمـــوع عيني تحاكي وقــــت قسّـــــــاني ..

مــــن قـــــدّر النـــّــاس يبقى عاليٍ قدره ..
والا مقامــــــه بعينـــــي كـنـــّه أوطــــــاني ..

خطيت عذري ولا غيري كتب عـــــذره ..
واوفيت عهدي وانا ما اريد حـلفـــــــاني ..

اكتب قصيـدي وانا شوقي امـــــل بكره ..
وعيــــــــــون خلي على هالحــــال تقــــراني ..

اثــره مـجـــافي لـحرفي ليــــت ما مــــــــــرّه ..
مــــــا كنت اظـنّـــه يـهـمـّلـنـــي ويـنســــاني ..

والثـــــــــــاني اللي يقول الشعر مو شعره ..
ينقل قصيــــــده ويلصـق بـيـتـــها الثـــــاني ..

شاعر .. وحرفي أصوغه لا لفت فكـــره ..
وانشــــــد نجــومي علــــى ســـــرّي بقيفاني ..

اسمــع كلامي تبصّــــر .. دامي في ذكـــره ..
هذا سكنّي ترى من يــــــــــــوم ما جــــاني ..

يولدني احســــــــاس .. يدعيني وأنا ابرّه ..
اســــــــــري بليله .. ولا من نمت صحّاني ..

الله يلومــــه .. يقــــول الحـــــب من نظره ..
والا عيــــــونه توّهـتـنــي بــــوديـــــانــــــــي ..

اللي يحبــــــه و يسهـــــــر .. كيف ينتظره ..
اشبّ من شــــوق .. ما ينطق به لساني ..

يا احساس قلبي تعب ما اقوى على سـرّه ..
اسمـــــه .. وقوله طلبتك لــــو على شاني ..

تدري مــــن اللي يـعذبني على صبـــــــــــره ..
واعشق حضوره ولكن مــــــا هــــو انساني ..

اسمه بصـــــــدري كتبته عـــــالـــــم المــــــرأة ..
الهـــــام شعري .. ورسمي .. واجمل الواني ..

بقلمي ( منصــــــور) .. احســـاس شاعــــــر

ملاحظه : أرجو ذكر المصدر عند النقل
حفاظاً على الحقوق الادبيه والفكريه

((انت فعلا شاعر ومبدع…قلمك جدا مميز..والقصيده متااااااااااااااااااالقه
كلماتك رااااااااااااااائعه لابعد حد–استمتع وانا اقراء لك
صح لسانك–وتسلم اناملك
دمت احساس شاعر))

اسمــع كلامي زين مادمت في ذكره
هذا سكن عقلي من يوم ماجــــاني

صح لسانك ياشاعرنا درر,,,

طرح عدب راقي كرقي روحك ..

احساس مرهف

تسلم يمناك التى تخط لنا اجمل الابيات وتنثرها هنا في عالم المراة

لاخلا ولاعدم المنتدى من تميزك

في انتظر جديدك

دمت بود لمن تحب ..