السلام عليكم ورحمة الله وبركاته
يسعد شتآئكم
يسعد بردكم
كل عآم وأنتم بصحه وعآفيه
الحمدلله , الحمدلله , الحمدلله
بعد ماغلط علي وأتهمني بـ الغلط ..
بعد ماسبني وشتمني عند أهلي ..
بعد مانكر كل ماقدمت له ..
بعد ماوضع الخطأ علي بكل شي ..
بعد ماطلعني معه وهو مطلق بائن ..
بعد ماكان مغرور ومتكبر ..
بعد دخول عآم 1445 هـ 
بعد خمس شهور من طلاقنــا وبعد ماجلس مع نفسه
( حس بتأنيب ضمير )
طليقي يكلم وحده من صديقآتي ثلآث مكآلمآت ويخبرهآ بأني أنـا لم أظلمه , ولم أغلط بحقه , ولم أقول كلمة سيئه فيه
وقآل : بــــأن العيــب فيني وأنــا رجل لا أصلح لهآ وهي تستآهل رجل كفؤ … !
ووصل منه كلام كثير .. وأعترفآت منه بأن الخطأ منه خصوصآ لمآ حبني بدون مايعاشرني وبعده طلقني لأني ماحبيته ! وأعترف بأنه غلط بهالسالفه وماكانت توصل للطلاق
وأعترف بأنه يعآني من مشآكل نفسيه
سأل كثير عني .. ومن كلامه لهآ ( خايف كثير علي )
وقال : لن يرتاح لي بآل الآ أذا تزوجت
طليقته الأولى لم يرتآح بآله وتزوجني الا بعد ماتزوجت هي !
والآن يكرر نفس الكلام << ياللعجب 
يآرب زوجته الثالثه ماتكون نفس مصيرنـا ( عسى الله يوفقهآ معه )
كذلك كلم أحدى أخوآني وشرحه الموضوع
لأنه كآن يقول لأهلي : بنتكم الغلطانه و و و
كان بالقوه بالسابق يركبني الغلط لحد ماخلى بعض أهلي يصدقون بأن الغلط مني وكنت أنا أقول لأهلي : ايه انا الغلطانه وأنا الغلطانه
ماكنت أبي تصير سوالف بوقتهآ ( ياعمري أنا من محبتي له خليت الغلط علي وهو الصح )
يآآآآآه ياشكلي ذيك الفتره ينرحم .. مادافعت عن نفسي أبدآ
الحمدلله كنـت بين وقت ووقت ( أشعر بتأنيب ضمير ) خوفآ بأن أكون ظلمته بدون لا أعرف
خصوصآ بأني تطلقت وأنا عروس ..
وكنت دآئمآ أأنب نفسي لأني ظلمته بقولي : لا أحبك قبل الزوآج
وكنت أأنب ضميري وأقول لنفسي ظلمته لأني كنت أستحي
كنت دآئمآ أقول : أنـا الغلطانه أنـا الغلطانه .. كنت أحط كل الغلط علي عنده وعند أهلي و أهله !
مع أني أشوف غلطاته ولكن .. أحملها نفسي للأسـف
ماكنت أبي أعيش بحيآتي ظآلمـه
كآن هو دآيم أذا غلط يقولي : قولي لأهلك أنا الغلطانه عشان أهلي مايزعلون عليه
وأنا أقوله : أبشر سم يالغالي أنت صح وأنا غلط <<< كأني مسحوره وقتهآ والا هو الغلطان ليه أخلي الغلط علي :d
كانت أخطاءه بالشقق المفروشه أحملهآ نفسي .. وأسكت عنها
كنت دآيم أخفي أغلاطه .. وأسكت مابي صورته تهتز
كنت دآيم أأنب ضميري بأني أنا الغلطانه أنا الغلطانه وتعبت كثير ماتتصورون
مع أن مافي أي خطأ كبير سويته .. يوصل للطلاق
ومافي أي خطأ كبير سويته .. يخليني أعيش بتأنيب ضمير
( كنت أعيش بتأنيب ضمير بسبب أني عروس وتطلقت .. وكنت أحس بأني بحلم وصدمه )
بس بعدهآ صحيت الحمدلله وعرفت بأني غلطآنه بأني سمحت له يغلط علي وأنا أسكت !
بس الحمدلله الآن أنـــا سعيده ومـاأعيش بتأنيب ضمير
وهو الآن يعيش بتأنيـب ضمير … 
والله اللذي لا اله الا هو مو فرحانه بس أبيه يذوق اللي ذقته ( بتأنيب ضميري )
سأل صديقتي وقآلهآ : سمعت بأن طليقتي تعبانه ومتضايقه بسبب الشقق المفروشه و و و
تكفين قولي طمنين عليها ترآ والله مضيق صدري هالموضوع ويأنب ضميري
مابي أكون ظلمتها وسببت لها تعب بحياتها وصديقتي قالت له : ذق اللي ذآقته !
أنا مدري منين يسمع ؟!
الحمدلله الآن أحس أني جدآ مـرتـــاحـه
ولوجه الله اليوم سألغي رفعي للقضيه .. مع أن يوم الأحد فيه لقاء بين المفتي وطليقي والمستشار
بس أستخرت واليوم بوصل لأهلي ( أني مسامحته ) وألقى كل شي عند ربي …
مع أن القضيه ضده .. بس الله معآي ( وعسى الله يعوضني بـ أخير منه )
أكيد بيردون علي أعضآء ويقولون لي : ليه تنازلتي عن القضيه ؟ ولا تسامحينه ؟
منهم ماما قرين وليش كذا و و .. بس بقولكم كلمه ( الله يسامح ليه حنا البشر مانسامح )
وأذا لي حق عنده بأخذه من ربي بس أنتم أدعوى لي .. وأدعوى له مهما كان هو كلنا