كان يامكان في قديم الزمان يوم 24/10/1428 كنت دوبي دخلت التاسع وطبعا ماجهزت شي كنت متوقعة اولد في نهاية التاسع لاني بكرية وكلهم قالولي ياه راح تطفشي من كثر الانتظار فشلت الولادة من بالي وبس وحتي اني مامشيت ولااخذت خروع ولاشي بس كنت احس بالم في كليتي وكل مااقل لاحد يقلي بلا دلع الحمدلله
ويوم الاحد فجاة صحيت من الساعة 6 الصباح على الم شديد زي الام الدورة على الام الله يكرمكم مغص الاسهالوقلت عادي يعني الم يحتمل قلت خليني ادلع وصرت ابكي وزوجي نايم جنبي ودوامو الساعة 7 لازم يقوم قالي ايش في مارديت عليه طنشني وناموبعدين خف الالم الحمدللهوهو زوجي حبيبي راح الشغل وانا في البيت لحالي الحدلله كانت سلفتي ساكنة جنبي وهي اعز وحدة على قلبي اكثر من اخت ليا كلمتها وقاتلها تعالي ومسكينة جات من الصباح وتخيلو الاستغلال الي انا فيه قلتلها تكويلي قميص المستشفى وتساعدني في عمل شنطة المستشفى مسكينة جزاها الله خير وقعدت اضحك معاها ونتكلم وفي الم بسيط الين الساعة عشرة الغلبانة سلفتي من كثر ماكنت تعبانة عرضت انها تبات معايا بس انا قلتلها ياشيخة مافي شي قالت طب لو احتجتي حاجة كلميني ومشيت عارفة طفشتكم ط¨ط§ظ„طھظپطµظٹظ„ ط§ظ„ظ…ظ…ظ„ سامحوني المهم الساعة 2 ونص بكلم اختي باسالها لانها جابت اطفال ابغى اعرف ايش بيحصلي قالتلي لا هذا مو طلق الم الطلق يوجع مرة بس قفلت السماعة معها واروح الحمام الله يكرمكم عند الباب واحس بموية تنزل ودافية انا اتفجعت عرفت انو الحكاية جد اتصلت بماما ابكي واقولها ماابغى اولد داحين انا لسه مامشيت ومو جاهزة (افلام هندية)وجاء زوجي الغلبان ووداني المستشفى وانا في السيارة تنزل موية الحمدلله المستشفى قريبة بس وصلت المستشفى لبسوني الروب وماكان رحمي مفتوح ولا سم فاضطروا يعطوني طلق صناعي الساعة 4 العصر وجو اهلي كلهم ماما بابا واخواني الاثنين واخواتي الاثنين زوجةاخويا وطبعا حبيبي زوج المهم دخلوني غرفة الولادة الساعة 6 وانا ابكي من الالم ودخل معايا زوجي وماما والباقين يسمعو على الباب
بس صارت الساعة 8 والرحم فتح اخيرا وانا اصرخ واستنشق المخدر فظييييييييييع الين ماشالو مني قالو عشان النونو ماتنام المهم ماحسيت بنفسي الا وانا ادفع وادفع الين ماضطر الدكتور يخرج النونو بالملقاط وانا اصرررررررررررررررخ وماما تبكي وزوجي يبكي افلام والي ورا الباب يضحكو وبعدين جات احلى قمر واحلى نسمة وفرحت مرة بس يابنات نصيحة لاتشربو قهوة كتير ماياثرالبنج سامحوني طولت مرة كتير وجبت بنت اسمها نسمة وشكرا
