cook to learn | how to make a recipes with pictures | arabic cooking recipes
المقادير :
دجاجة كاملة مقطعة حسب الرغبة انا مقطعتها
8 قطع يفضل منزوعة الجلد بس انا هنا ما نزعت الجلد ع اساس بحمرها
حبة جزر كبيرة مبشورة
3 حبات طماطم
ا معجون طماطم السعودية
3 ل 4 بصلات مقطعة جوانح
فصين ثوم مفرومة
ملعقة صغيرة كمون حب
ملعقة صغيرة فلفل اسود
ملح
نص حبة ماجي
3 ل 4 كاسات رز و انا استخدم بنجابي المهيدب
يكون منقوع في موية حااارة
الطريقة
نحمي زيت و انا استخدم زيت نور و الكمية نص كوب تقريبا او اقل
و نغسل البهارات و نحطها في صفاية
بعد ما يحمى الزيت (بنات لا تخلوه مرة يحمى عشان لا يتطاير عليكم )
ارمي فيه البهارات و اقليها
و بعدين اضيف البصل و ملحووووظة هامة يا حلوات زي ما انتم شايفين البهارات مو كثيرة ف الأكلة تعتمد بعد الله على تحميسك للبصل يعني تتركيه يتحمس الين ما يقرب يصير لونه بني بس انتبهي لا ينحرق
ياارب توضح الصور
و بعدين نضيف الدجاج و نلاحظ لون البصل و نقلب شويتين و بعدين نضيف الماجي و الطماطم و معجون الطماطم ز نقلب و بعدين نضيف الجزر و نخليه خمس دقايق لغاية ما يتسبك
و طبعا بعد ما يتسبك نحط موية حااارة من الغلاية ع القدر و نخليه يطبخ ربع ساعة و بعدين ننشل الدجاج و نحطه في صينية بايركس و ع الفرن عشان يتحمر و نحط الرز ع المرقة و ملاحظة هااامة (لا تصفي الموية ابدا ابدا ابدا لأن التسبيكة هي اللي يعتمد عليها ط§ظ„ط¨ط®ط§ط±ظٹ )
و في حاجة اتعلمتها من منال العالم لما تضيفي الرز لازم تكون النار عالية و تخليه حق 3 دقايق و بعدين تخفضوا النار ع ا.ي مرررررة و للخبيرات و المتمرسات ممكن تحط منشفة نظيفة على غطاء القدر و تخليه مع الإنتباه الشديد عشان لا يحصل ما لا يحمد عقباه لا قدر الله و بالنسبة للموية تكون تماما فوق الرز ب 2 سم و ممكن نشيك كل فترة علشان ننتبه لو صار نقص بالموية
[B] بنات و هنا صورة الرز بعد ما تسوى بس اعذرووني ما صورته بعد الت.ط لأنه يدوب استوى و ولدي الصغير تعب بعيد عنكم و دايركت ع المستشفى و اتأخرنا و رجعت يدوب اغدي ابو الشباب ما كان عندي وقت اصور فإعذروني و سامحوني
و اخيرا اتمنى الدعاء لي