يالا نبدا
المقادير
300 جم زبد
250 جم سكر بودرة
بيضتين كاملين كبار
صفار بيضتين
300 جم دقيق
300 جم نشا
معلقة صغيرة بكنج باودر
فانيليا
اول حاجة نضرب الزبدة كويس اوى
نضيف السكرونضرب تانى كويس
نضيف البيض بيضة بيضة مع الضرب
بعد كده نضيف الدقيق والنشا بالتدريج ونعجن بايدينا لغاية لما تتكون عجينة ما تلزقش فى ايدينا زى دى
ممكن لو فاض دقيق والعجينة بقت كويسة خلاص مانحطوش
ولو العجينة لسه مالمتش والدقيق كميته خلصت نزود الدقيق
المهم فى الاخر العجينة تلم معانا
ودى عملتها بالشيكولاتة
حنشيل معلقتين كبار دقيق ونحطهم كاكاو خام
وندهن الصيجان ونشكله بالشكل ده
ونخبزه فى فرن هادى الى متوسط الحرارة على الرف الوسطانى
وانا شكلته كمان على شكل القلوب دى
وده شكله لما خلص
اول حاجة نلزق كل اتنين فى بعض بالمربى او الشيكولاتة
نحطهم على ورق شفاف بالشكل ده
نكون مسيحين شيكولاتة خام بيضا لما نطلع المعلقة يطلع مع المعلقة خيط رفيع من الشيكولاتة
نطلع المعلقة من الشيكولاتة السايحة ونمشيها بسرعة فوق البسكوت رايح جاى خيط الشيكولاتة يعمل اشكال عشوائية بالشكل ده
بالنسبة لكور الشيكولاتة نغطسها فى الشيكولاتة السايحة
ونطلعها على شفاف بالشكل ده ونسيبها تنشف
وبعدين نعملها خطوط عشوائية بالشيكولاتة البنى
ونحطها فى اطباق بالشكل ده
وطبعا دى نفس الطريقة بس بالبنى
طبعا ممكن نبتكر فى التزيين حاجات كتير اوى
وفى الاخر نقدمهم فى صينية بالشكل ده
يعطيك العافيه
حلووو الموضووع
في أنتظار القاادم
تحياتي
