دُمّ بالروح واشفق لا تعنّيها=كفاك من هالتغلي لا تعنيني
سوالفك من غلاتك دوم اغنيها=وانت بصدودك حبيبي لا تغنيني
روحي على شوفتك يا دوم امنيها=وابيك بالوصل ياسيدي تمنيني
وان كان لابد روح الصب تفنيها=خذ وافنها يالغلا لكن بسكيني
مابيك تجرح سكاكينك وتضنيها=ابيك شامخ لو انك كنت مفنيني
بقول غلطه وما كنت انت معنيها=وبقول للناس خلوا غلطته فيني
صحيح كنت انتظر روحي تهنيها=لكن ولا تبتأس ما دمت مشقيني
طول السنين انتظرت الروح تبنيها=سنين وانا انتظر بالوصل تبنيني
ومادام ماعاد باقي غير تفنيها=دوك السكاكين سمّ الله وافنيني
لاهنت
ويعطيك العافيه