سويت عمليات كثيره من ضمنها اني شلت رحمي
ووسويت اكثر من عمليه عن طريق المهبل
ولا سويت ترقيع للبكاره
وعندي اوراق تثبت هذا الشي
لكن المشكله زواجي بعد 8 شهور
وزوجي ماعنده خبر باني شايله ارحامي
الولد يدري اني لي 10 سنوات وانا اتعالج بالخارج
لكن مصر على انه ياخذني لاني جميله
الحمد لله
ولم يهتم باي شي ثاني
المشكله
انا جلست مع ابوي وقلت له الولد لازم يدري لكن ابوي رافض ان الولد يدري اني شايله رحمي
وقال لخطيبي اني فقط سويت عمليات بمنطه الارحام واحتمال 99% ما احمل
ما قال لخطيبي اني مو عذرا
وش الحل
وابوي حالف يقول ان قلتي للولد انتتس مو عذرا او انتتس شايله ارحامتتس انا براء منتتس ليوم الدين انتي مو بنتي وانا مو ابوتتس
خطيبي يقول الاولاد مو مهم الاولاد رزق من الله ومكتوب ما اجيب اولاد
كيف اقول له اني مو عذرا
واوبوي رافض اسوي عمليه ترقيع يقول الحين الناس تفتحت ومو مثل اول لازم ينزل دم
تعببت ابوي مو راضي اسوي اي شي
تعباانه نفسيا افيدووني ايش اسوي
خايفه انا فكرت اخذ الاوراق الي عند ابوي بالعمليه واترجمها ويوم زواجي اخلي خطيبي يشوفها ايش رايكم
مع العلم انوه مافيه امل ارفض الزواج لان الزواج كل الناس عرفو فيه وبدا الترتيب لوه من حجوزات وغيرها …
لازم يعرف وضعك
والا راح يكون غش
واذا تم الزواج اعتقد ماراح يدوووم
لأن انتي خدعتيه
يعني
هالتصرف
لا يرضي رب ولا دين
حرام
خليه يعرف منك
واذا أرادك مثل ما أنتي
الله يهنيكم
وأذا رفض
اعرفي انه من اول مالك معه نصيب
وان ربك كتب هالشي
وان نصيبك مع غيره
والله يهدي والدك
ويصلح الحال
اهم شي في الزواج هو انجاب الذريه وتكوين عائله .. والزوج يتأمل ذلك بكل تأكيد
إذا أنت بتسمعين كلام أبوك على هذا الشي وهو كذب وخدااع وغش الزوج ,, فلا طاعة لمخلوق في معصية الخالق
إما ان تتفاهمي مع الوالد .. أو أنك ترفضي هذا الزوااج
لو الزوج عرف بهذا الشي الكبير والغير هين .. ستكون العاقبة كبيرة .. اعتقد
خلي امورك واااضحه .. اريح لقلبك
موفقه
دائما وأبدا لايصح الا الصحيح
ومابني على باطل فهو باطل
أختي العزيزة
مشكلتك ليست بسيطة لكن بإذن الله تتحل
1- اذا كنتي واثقة في خطيبك وهو يحبك وانتي تحبينه لازم تفاتحيه في موضوعك انك كنتي تتعالجي منذ فترة وكنتي تعانين من تعب شديد في الرحم
اكيد عندك مايثبت من تقارير طبية تفيد انك استصلتي الرحم وكان لابد من استئصاله
بسبب المرض الذي كنتي تعانين منه مما ادى ذلك طبعا الى فقدان عذريتك
التقارير الطبية التي معك لابد ان يطلع عليها خطيبك
2- قبل الخطوة الاولى ل حاولي ان تقنعي والدك بأن خطيبك لو علم بذلك بعد الزواج ستكون مشكلة كبيرة ويقول انكم خدعتوه لكن حاولي مع والدك بهدوء ان خطيبك ممكن ان يقدر الظروف
خاصة انه يحبك وغير مهتم في موضوع الانجاب
3- الاستغفار والدعاء دائما بأن يفرج الله همك وهذه الخطوة هي الأساس الأولي
ربي يعينك
لا حول ولا قوة الا بالله اختي العزيزة والله مصابك موهين ربي يعينك ويقويك ونصيحتي لكي لا تقل على نصائح زملائي الاعضاء ما بني على باطل فهو باطل ربي يهدي والدك و يصلحه وش هالكلام كيف يحرضك على الغش المفروض تصارحي خطيبك بالحقيقة عشان ما تندمي بعدين و اذا كان هو يحبك راح يقدر الوضع لانه حالتك طبية و اذا ما رضى يكون ما لكم نصيب مع بعض كثري بالدعاء و الاستغفار و صلي صلاة استخارة وربي ينورلك دربك وارمي حمولك على الله فلن يصيبك الا ما كتب الله لكي ادعو لربي يفرج همك و وسع صدرك و اتمنى لكي كل التوفيق
لكي خالص تحياتي
