زوجي يشرب اطلب الطلاق ؟؟؟
ااااااااااااااااااااه شقولكم بس اولا السلام عليكم
مدري اذا احد متذكرني او قرا مواضيعي اللي قبل ..
انا كنت شاكه في زوجي انه يشرب واحنا عايشين في دوله اوروبيه المهم كنت شاكه فيه انه يشرب لاني كنت اشم ريحه بس ماقد جاني سكران ومنتهي ابد البيت ..
المهم مرت الشهور وانا بعدني عند شكي وكنت كل بعد فتره المح له وكان يحلف لي يمين انه مايشرب وانه مو حق هالسوالف ,,
المهم قبل امس جاتني الصاعققققققققققققققققققققققه دقو علي الشرطه قالولي زوجك راح ينام الليله عندنا لاننا مسكناه يسوق واهو شارب ياناااااااااااااااااااااااس واهو شااااااااااارب وربي كل شي في حياتي تحطم شوفو لوين وصل انه ينحبس وينام برا البيت عشان هالشراب بنات وربي ماعمره جاني واهو سكران بس شوي الاحظ عليه ريحه غريبه وانا كنت شاكه انه يشرب بس اهو يحلفلي ايماااااااان انه مايشرب بس الحين طلع كل شي وانفضح اهو مو قادر يحط عينه في عيني الحين ورجع البيت وباس رجولي اني اساامحه بس قلتله تتوقع انا لو سامحتك ربك راح يسامحك لي يومين ماكلمته ولا كلمه ومانام معاه بنفس الغرفه بس بنات شسوي احس الدنيا كلها مقفله في وجهي اهو مرررررررررررررررررررررررررررررررررررررره طيب وحنووووووون ولو اطلب شنو يسويه لي ويحبني حيييييييل بس هالشي الوحيد عيبه معقول اتركه عشان هالشي معقول اخليه يطلقني عشان هالشي مادري شسوي خايفه اقول لاهلي لان ماراح يخلوني دقيقه وحده معاه وخايفه اقعد معاه لان ماعاد راح اصدقه في شي حتى لو حلف ( لان حلفه طلع كذب ) احسه طاح من عيني شلون بنربي ولدنا واهو الابو هذي تصرفاته انا ماقول انا كامله بس مو لدرجه شرااااب
الله يخليكم ساعدوني شسوي شنو الحل ؟؟؟
مافي غير الله انه يهدينا ويهديهم
اصبري وربك كــــــــــــــــــريم
تحياتي
عندي سؤال اتمنى تساعدوني فيه انا صح اللي قاعده اسويه اني ماكلمه ولا انام معاه بنفس الفراش ولاكلمته عن الموضوع ابد ولا لازم الحين افاتحه عن الموضوع قبل لايبرد ؟؟؟
اخاف اكلمه ونتصالح ويحسب ان الموضوع عادي عندي بمجرد كلمتين سامحته واخاف اتركه ماكلمه يبرد الموضوع … ؟؟؟ شسوي ؟؟؟؟
أحس بمعاناتك
فرج الله همك وأصلح لك زوجك
تذكري أنه مانزل بلاء إلا بذنب
يقول أحد الصالحين
( والله إني لأعصي الله فأرى ذلك في خلق دابتي وامرأتي )
فعلينا أن نفتش في حياتنا وأن أي خطأ نرتكبه سنعاقب عليه عاجلا أم آجلا
وكما تعلمين أن الخمر أم الخبائث
ومن شربها في الدنيا لم يشربها في الآخرة
ومن شربها في الدنيا سقاه الله من طينة الخبال يوم القيامة وطينة الخبال هي عصارة أهل النار
للأسف ماضيع زوجك إلا الطيبة الزائدة التي جعلته يتقبل تلك العروض للشرب والتي جعلته فريسه لهذا الداء ولرفقاء السوء ، ورفقاء السوء غالبا يصطادون في الماء العكر حسبنا الله عليهم
حاولي أنك تضعين حد لهذه البلية فهي دماااااار شديد لمستقبله ولمستقبل العائلة
مع استمرار الشرب سيصرف عليه كل مايملك من مال ولربما تعدى الأمر أكثر مما حصل
ذكريه بتقوى الله في السر والعلن
قولي له أنت في أول الطريق في هذا البلاء وحاول أن تقلع وإذا أنا وولدي نهمّك فتذكر أننا لا نرضى لك هذا البلاء
تجنب رفقاء السوء ، تجنب مجالس أهل الشر ، وإذا كنا لا نهمك فتماد في هذا الداء وستكون النتائج
وخيمة وستكون أنت السبب في كل اللي يحصل ، وقولي له لن أسامحك على تصرفاتك
وسيكون الضحية ولدك وأنت من يتسبب في ضياعه وسيعكس صوره عنك في المستقبل
ولن أستطيع أن أسمح لك بأن تأخذ حقك الشرعي وننجب أولاد يكون مصيرهم الضياع والهلاك مثل أبوهم .
حاولي أنك تواجهينه فالموضوع خطير ولا ينسكت عليه
وأوصيك بكثرة الاستغفار والدعاء في جوف الليل فهو مفتاح مغاليق القلوب