رجع يسأل عن أخباري بعد غيبة سنه وشهرين!

رجع كنه يحسبني سعيد بدنيتي أو زين..
وهو مـا يدري الدمعة تسيــل ولاتسليني..

دمع هالوجه..أو كنه جمع في غيبته جرحين..
وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكّين..
ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين..
وأنا جيتك بهاليله وتكفـــــــــى لا تخليني..

و أنا.. لامن نطق (تكفى) عطيته لوطلب (هالعين)..
وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين؟..
تراني فدوه لعيونك (لو إنك جيت تشقيني)!..

حبيبي لو تبي القمره عطيتك فوقها ثنتين..
بعد لو تطلب النجمة أبنطق جيتك إضويني..

بعد هذا ضحك ..بعثر همومه.. سلهم الرمشين..
وقـــــال الله يا الطيب وأنا ظــــنيت ناســــيني!..

صراحة.. حيل تحرجني يا طيب يا أطيب الغاليين..
ولا ادري كيف بوفيلك حـــبيبي وأنت تعطيني..

بعد هذا تسامرنا وتواعدنا بعد يومين..
ووصيته على قلبي وهو مثلي يوصيني..

تواعدنا على الجمعة ولا جاني إلى الاثنين..
ومر أسبوع والثاني وشوقي يشتعل فيني..

تصدق عاد يا السامع !! ولا جاني إلين الحين!..
قبل تسأل عن أسبابه بجاوب .. وإنت واسيني..

لأنه مــ ــ ــ ـات في حادث وأنا مت بغيابه لين
عرفت إني كذا ببــقى ولا أحــدٍ يقوى يحــييني..