كيفكم حبايب قلبي ….
جايب لكم قصدية حب تحكي عن الرحيل ….
تفضلوا اقروها ….
*************************
ترحل ظˆطھطط³ط¨ظ†ظٹ ظ„ط§ط±طظ„طھ اقدر على النسيان..
وانا اللي لاطرا طاري رحيلك ضعت بشتاتـــي
دخيلك ،،بسألك لارحت منهو مننا الخسران..
أنا والاّ انت ؟،،جاوب قبل ماتكتب بي آهاتـــــي
أنا اللي من عرفتك والسما قوس وغلاك الوان..
وأرضي تعزف اهزوجة فرح لاجتْك خطواتي
وصوتك غيمة ٍ أحيت جفافي ، والوصل هتّان..
وحزن عمري يموت بضحكتك ياكل بسماتـــي
تعرف انك غلاي وراحتي ، وان التعب لابان..
يموت ان جيتلك ياللي هواك اجمل حكاياتـــــي
وتعرف اني على بساط انتظاري أجمع الأحزان..
واكبّلها اذا وصلك اخذني من متاهاتــــــــــي
انا من قبل اعرفك مالقيت لهالعمر عنوان..
سوى : حزن وأمل ضايع ،ويأسي هو مداراتــــــي
أنا من قبل اعرفك كنت اقول ان الغلا حقران..
واقول ان الهوى كذبه ،،قناعاتي كما الآتــــــي
قليل اللي صدق ،، واللي يخون بهالزمن كسبان..
كثير اللي يمرون ،،وقِناعاتي قناعاتـــــــــــي
وجيت وعرفت اني بحكمي كنت انا الغلطان..
وصرت انت القناعات ،،وحنيني وإتجاهاتــي
دخيلك ،،مابقى فيني شعور ٍ يحتمل خذلان
دخيلك لاتخليني أسير ليأس راياتـــــي ..
**********************
تقبلوا خالص ودي وشكري لكم …..
دخيلك لاتخليني أسير ليأس راياتـــــي ..
كلمات معبررره
صعب علينا ان يرحل من نحبهم
الفراق ألم يجتاح الفؤاد ببعدهم
راق لي اختياركم
كل الشكر
اختكم
اسير العبرات
وندى على ورود الحروف ومسك المعاني بقطرات الندي
حروف شذاها يعطر ارجاء صفتحك الرائعه
كلمات رقيقه المعاني ندية
تقبل تواجدي
هلا وووغلا بك أختي اسير العبرات
الله يعطيك العــــافيه
كلك ذوق
شكراً تقبلي مني كل الاحترام