هويحسب حدودنا ملجـأ لفيرانـه!؟
فيرانه اللي بـراس الضلـع ملتمـة
مع فار فاسق وفسقه جمّـع اخوانـه
جرذي ويتبع بدينـه راعـي العمّـة
من خلف شط العرب يرسل له اعوانه
جتهم على روسهم من عالي القمّـة
من طايرات البواسل فـوق ميدانـه
ضيّع سلاحه وقـام يصيـح بالغمّـة
في ضلع دخـان صارالفـار دخّانـه
نزل لسفح الجبـل والمدفـع يخمّـه
خمةعقاب السماء لاصـف جنحانـه
عوّد تنّكر وجاء لابـس هـدوم امّـه
وجزاء معاريفنا فـي غـدر وخيانـة
وعاداتنا أي مخلـوق نحقـن دمـه
والله يجازيه ويثيبـه علـى إيمانـه
الا السيـادة نطقها عـالـي الهـمـة
صقرالعروبة وسيـف العز وحصانـه
تبقى السيادة لنا غصباً عـن الخمّـة
اللـي غدر قبلـة الاسـلام واوطانـه
خادم بيوت الله اللـي يعطـي الذمـة
للي تراجع عـن الحوثـي وذيلانـه
اليوم سلـط عليهـم عالـي الهمـة
نايـف حصـان الطراد وخالد سنانـه
صارالضحى ليل والليل إنكشف غمّـه
من قصف مدفع لضرب حويث طربانه
وطيّارفوق الجبـل ينجزلـه مهمّـة
وكتايـب الجيـش للتّطهير عطشانـه
اللي بكهف الجبـل مغنـوق بالرمّـة
واللي طلع يقصفه جنـدي بنيرانـه
لاماغدوا في سفوح الضلـع شرذمّـه
والنص الآخرتعفن جـوف غيرانـه
قتيلنـا حـي بالجـنـة غفر هـمـه
وقتيلهـم نحسبـه بالنـار مسكانـه
يسلمو شواقه ابيات حلوه
الله يحفظ بلادنا وبلاد المسلمين