عزيزاتي واخواتي ابي رايكم في الموضوع اللي راح اكتبه انا متزوجه من سنتين ونص وعندي ولد الله يحفظه مشكلتي مع اهل زوجي في البدايه عمة زوجي اخت ابوه جارتنا من عشرين سنه جاء يوم من الايام وخطبتني وبعد سنه من كلامها معانا كلمتنا مره ثانيه وقالت تكفون فلانه لاتزوجونه فلان يبيها بس يخلص الجامعه ويتقدم قلنا اوكي تخرج من الجامعه وجاء هو وابوه خطبه رسميه ونظره شرعيه وافق ووافقت وتوظف بعد شهرين من وظيفته كلم الوالد وكنا خارج المنطقه اللي هم فيه بسبب الدراسه سوينا التحاليل حق قبل الزواج وطلعت تمام كلم زوجي الوالد وحددو الملكه اليوم الثاني كلم ابوه ابوي وقاله مابنقدر نسافر لكم السياره (تعباااااااااااانه)شوفو بالله السبب
قال الوالد والله بكيفكم بس ولدك كلمني وحدد موعد معاي اتفقو على موعد وكلموني كلم ابوه وقال ليش تكلم اهل البنت وتعتذر انا بملك وانتهى الموضوع حتى المهر ماطلبتكم شيء اللي عليكم تمشون معاي واذا ماتبون بكيفكم (طبعا الكلام هذا حكاه لي زوجي بعدين)دق زوجي على ابوي وقاله احنا على موعدنا رحنا بيتنا في المنطقه اللي هم فيها وصارت الملكه كانت الملكه بالبيت مختصره تخيلو راحو امه واخواته عنده بعد الملكه يسبون فينا انا واهلي يقولون مااستقبلونا ولا لا ولاولا وطبعا عند الرجال نفس اللي عند الحريم بالتمام قال غريبه كل شيء عندنا زين كانت اول مكالمه يقولي اش في اهلي زعلو يقولو كذا وكذا قلت اسال عماتك سأل عماته قالو الجماعه ماقصرو بشي اقسم بالله ياامي مسكينه في المطبخ من الصباح هي واخواتي وفي الاخير يقولون هالكلام حتى فشلونيب اقاربي كلهم قالو وش فيه كذا بس جالسين يخزرون فينا المهم جاء الزواج والله العظيم ماوحده منهم جابت لي هديه حتى قدام جماعتهم وانا في الكوشه انهم ماطلعو سلمو عليه بس تدل على تربيتهم
المهم بدات بعد 8شهور من زواجي وانا حامل توصل لي رسايل سب على الجوال اصلا اهل فلان مايبونك اصلا انتي وامك سحرتوالولد وخذيتوه حتى عند جماعتهم مايبوبك ويسبون فيك انا عرفت انهم همه بس يسوون انهم مالهم دخل وريت زوجي وصارت مشكله وسكت ماقلت لاهلي شيء تمنيت ان هالرسايل جات فترة الملكه كان والله ماتزوجه لو يلبسني ذهب من راسي لرجولي
طنشتهم وسكت قبل اربع شهور جاء واحد من اخوانه عندنا الصغير عمره 21بعده بيومين راح عند اخته بمنطقه ثانيه ووقته اتصل على جوال اختي لسى ماتزوجت المهم كلمها انا فلان اخو فلان اش بغيت والله انا ابي اتقدم لك بس مو عارف بتقبلي فيني والا لا قالت ياابن النا س مو بهالطريقه يعني تقدر توصل الكلام مع اخوك قال ايه بس ابي اشوف ردك
قالت انا ماحب الحركات هذي والمكالمات التافه قال طيب بس بقولك شيء قالت ايش قال انتي كنتي لابسه بلوزه لونه اصفر يوم عزيمة اهلي عندكم قالت ليه قال بس طبعا العزيمه بعد ولادتي عزموهم اهلي قالت ايوه قال اخواتي يمدحو فيك يبي يجر البنت للمكالمت بس بطريقه قالت خلاص بسكر سكرت تقول جلس يراسل يومين رجع يدق قال اصلا بجس نبض اهلي واشوف بيوفقون عليك والا لا لانهم ماكانو يبون اختك وسوو مشاكل مع اخوي عشانها ولايحبونه ولايبونها بس الحين بداو يتقبلونها قالت ومين انتو عشان ماتقبلون في اختي وانتو اللي تقولون وتقولون واخواتك اللي يرسلون زين الكلام على جوال اختي قال ايوه اصلا مانبيكم واصلا انتي واخواتك قح…….كلام زي وجهه واصلاغلطة اخوي انه خذا اختك(طبعا اخته اللي هوه عندها معاه)لان اختي قالت لي عنده صوت بنت صغيره تبكي وهي بنتها حسبي الله عليه وعليها قفلت في وجهه ودقت علي وقالت اعطيني زوجك وكلمت زوجي وقالت له كلم اخوه قال ايوه هي اللي دقت علي وسبت اهلي سالت اختي قالت والله مادقيت ولا اعرف حتى رقمه المهم امه واخواته عندهم خبر وعادي معجبين فيه لما اجلس ظ…ط¹ط§ظ‡ظ… فلان البنت في المدرسه حقت اخواتي يقولون انه حلو وكلام فاضي وقلة ادب
المهم مع هذا كله اقسم بالله اني عاملتهم زي اهلي من يوم دخلت بيتهم طبعا اذا رحت عندهم يرمون فراشي بالممر اللي يودي دورت المياه ويقولون افرشي لك بالمجلس وعندهم غرفتين نوم فاضيه وحده كانت لزوجي والثانيه لجدتهم الله يرحمها مقفلينها ويفتحونها بالصيف اذا جاو بناتهم وعيالهم وانا انام وولدهم بالمجلس حتى المفتاح يشيلونه من الباب عشان يدخلون بكيفهم كيف اتصرف معهم رمضان جابرني اروح هناك ؟؟؟؟
ابي رايكم لاني تعبت وتعبت اهلي من سوالفهم لو وحده منكم بمكاني وش راح تسوي
أو مصيبة أنتِ في غنى عنها ، وبالنسبة لأخوه عز الله إنه خسيس وخبيث وماعنده من الرجول غير المسمى فقط
وليه أختك من الأساس ترد عليه ، وشوفي يا أختي اذا هالادمي واهله بيعورون راسك ، فخلي هلك يتدخلون ويحطون
شروط وضوابط بينكم يحفظ لك منكم حقه ، وخاصة القذر أخوه .
ليش يعاملونك كذا وهم ماشافو منك شي
حاااولي انك ماتروحين لهم برمضان دوري لك اي حجه عشان ماتروحي واذا زوجك لازم
صااارحيه
احسن شي تولعي فيهم البيت وتنحااااااشي خخخخخخخخوالله يقهرون وانا اكثر وحده حاسه فيكي بس الله يشغلهم في انفسهم ولايخافون العاقبه لبناتهم ان شاء الله ربك كبير ومايضيع حق احد