انا محتاجة مساعدتكم

أولا لا اعرف من أين إبداء وكيف انتهي قصتي هي حياتي مع أهلي أو بالأخص مع والدي ، اعذروني

إذا تكلمت بالعامية قليلا ولكن أريد أن اخرج مافي جعبتي واري دان يستمع إلي احد لا تقولوا شي

ولا كن هل انتم مستعدون لسماع حكايتي

عندما ولدت لا اعرف في بيت أهلي غير المشاكل لم أرى يوما والدي متحابان غير في النادر أبي

يعاقب أمي دائما على الخطاء البسيط كان إذا شاف نملة صغيرة تمشي عمل مشكلة مالها أول ولا

آخر وكان يضرب أمي ضرب مبرح ضرب تعذيبي وكمان كنا كثير نقعد في البيت من غير أم حيانا

توصل لثلاثة اشهر افتقدنا حنان الأم وحنان الأب يعني لو إحنا أيتام يكون أحسن استغفر الله كان

إذا أمه يعني جدتي إذا دخلت في مشكلة بين أمي وأبويا كانت تنضرب من ولدها

أما بالنسبة لنا إحنا الأطفال كنا ننضرب من يوم وإحنا أعمارنا ثلاثة سنين تعرفوا كيف كان طريقة

عقابه لنا كان إما يضربنا بالسلك أو بالباكورة أو الخيزران إلى أن تتقطع على أجسامنا يتحول

جسمنا لكتلة من الدماء وكمان كان يربطنا زى الأغنام ويعلقنا ويضربنا والله انه كان يضربنا من غير

سبب

في يوم أنا كنت في المدرسة واتاخر الباص وما رجعت البيت إلى متأخرة تقريبا نصف ساعة تعرفوا

ماذا عمل فيا مسكني وضربني ضرب مبرح وقلي قولي لي كنت فين واحلف له بالله إن الباص اتاخر

لكن ما صدقني في الأخير ربطني من يدي ومن رجولي وعلقني على الباب وضربني الين حسيت

انه راح يغمى عليا أمي طبعا ما كنت تقدر تسوي شي غير البكى لأنه إذا أدخلت تنضرب هيا كمان

ومرة كمان اخويا إلي اصغر مني بثلاثة سنين كان يلعب مع أصحابه في المدرسة ورجع زى كل

الأطفال ملابسه وسخة طبعا أبويا ايش سوى مسكه ليش هذه الوساخة قله كنت العب مع

أصحابي طبعا أبويا ما صدقه ايش سوى

مسكه وبعد ماانضرب أتعلق برضه من يده ومن رجله وفسخ له سرواله وصار يحرقه بالولاعة

نرجع لقصتي شوي بعد ما ضربني بكم يوم يعني قيد الجروح اتشافت شوي أخذني عند دكتورة

عشان يتأكد إذا كنت بكر ولا لا وما اطمئن الين أكدت له الدكتورة إني سليمة والحمد لله

والله الحكاوي كثيرة كان يجر أمي من شعرها قدامنا ولا عمرة احترم مشاعرنا كأطفال ولا عمرة

احترم صبر أمي معا كان دايما يهينها قدامنا ويقلها كلام عنها هيا وأهلها سب والله ما بنقال يمكن

تقولوا الواحد ما يدري ايش يصير بين الزوجين بس أنا أقول لا لان أمي وأبويا كانت مشاجراتهم

واضحة زى وضوح الشمس

إذا جات شغالة بيتنا تصير هيا الكل في الكل بالنسبة لابويا وكمان في شي ماراح استحي إني

أقوله المشكلة انه كان يصير قدامنا كان دايما يلعب مع الشغالات اللعب إلي تعرفوه انتو الحريم

والرجال وكانت أمي ما تقدر تشتكي لأحد غير الله لأنها ما كانت تبغي تطلق من أبويا بس عشاننا

إحنا

يا ما آذى شغالات مظلومين والله كانوا يفرحوا لمن يسافروا ويقولوا ما نبغا نجي مرة ثانية عندكم

وإذ كانت في شغالة تبغي تفضحوا تعرفوا ايش يسوى فيها يضربها زى ما يضربنا ويهددها انه إذا

أتكلمت راح يصير لها شي مو طيب

والله ماني قادرة أكمل قاعدة اكتب وابكي سامحوني بس أبغى أفضفض أنا الآن متزوجة والحمد لله

بس حتى وأنا متزوجة خايفة من أبويا وما أبغى هذا الشي يؤثر على حياتي بس ماني عارفة ايش

أسوي قبل (5) سنين واحد من أخواني شرد من البيت اخويا الكبير وقبل سنتين أتسامح من أبويا

ورجع وهو متزوج واخويا إلي اصغر مني بثلاثة سنين قرر انه يشرد من البيت بس قلت لامي

اخطبي له عشان لا يتهور وفعلا خطبت له والحمد لله

وللحكاية بقية

يمكن اكتب بعد يوم بس ردوا عليا لا تتركوني لحالي أبغى أعيش سعيدة باقي عمري أرجوكم

ساعدوني.

الحمد لله انك تزوجتي ولكن حاولي انك تكوني عطوفه حبيبه مع زوجك قومي بأي شي من حقوقه

ولكن لاتكوني سلبيه ناقشيه حاوريه تفاهمي معاه على اي شي يضايقك ولكن بحب

لتعيشي معاه بحب

ولكن اهم شي يالغاليه لا تتركي امك انتي واخوانك فكم تحملت من اجلكم وكم صبرت

فلا تنسوها وتبعدوا عنها لا تنسوها بالكلمه الطيبه والهديه ولو كانت بسيطه والقبله والأحضان

لكي تعرف ان صبرها قد جنت من ورائه حبكم

وابوكم الظالم عاملوه بالمعروف واحسنوا اليه وكونوا افضل منه

دائما" اتسائل لماذا ينجب من لا يملك الحنان

لأن الأبناء اهم ما يريدون هو الحنان

من يشع اولاده الحنان والحب استحاله ان يبحثوا عنه في الخارج ولكن لا حياة لمن تنادي.

ربي معاكي وربي يوفقك ويسعدك في حياتك الجديده ولكن لا تهملي الدعاء والصلاة والإستغفار

الله يهدي والدك ويعين والدتك ويفك ضيقتكم

للأسف إن ما يحصل من والدك هو الارهاب الاسري بكل ما تحمله الكلمة

وقصتك وما ذكرتيه عن عمائل والدك ليس لها حل الا الدعاء

والخوف الاكبر انه ربما يكون يتعاطى

ولكن سؤالي هل والدك متزوج من اخرى

الله يسعدكم ولا يوريكم مكررررررررره