وانثر حروف الشعر … دمعه سخيه
حد الخيال … وفوق كلمة معاناه
واكبر من التعبير … والابجديه
صافي منامي … يحرم العين تهناه
وابسط حقوقي منك …اكبر خطيه
ياما سهرت الليل … ابكي لفرقاه
عينٍ على بابه … وعينٍ نديه
ضيعت عمري …في مطاليب لقياه
واجمل سنين العمر … ضاعت عليه
ارخصت نفسي … لجل حبه ودنياه
وامسيت في رجواه … حالي شقيه
الله واكبر … كيف الاحزان تسلاه ؟
وانا بقلبي … تذبح احلام حيه
آآ واعذاب القلب … من حر شقواه
همٍ على روحي … ونارٍ قويه
الضيم والكسره … ودمعي مع الآآآه
والحزن والفرقى … ورعشة يديه
هذي سبايب … قسوتك والمغالاه
الله يجزا قسوتك … يا رديه
تدري وش اكثر شي … تجرحك بلواه
لا صار طعنة من تحبه … هديه
طريح الهوى
تسلم اخوي على القصيدة الروعه , وعلى جروح , مو جرح
تحياتي