الله يجازي دمـع عيني بالأفراح

كم لي أدوّر في عنا الحال جـــرّاح ..
طبـّـه يداوي من غدت به جراحه ..

راحت سنيني حزن والحزن ما راح ..
عيــّا يحسّ بضيقتي عــــن مراحه ..

بــــــاقي وكـنّـــه في الشرايين سوّاح ..
وأقصى خفوقي ماخذ ن فيه ساحه ..

عِزّي على اللي سلّم الحزن مفتاح ..
ثمّ ن بلش به و ابتلش في سَراحه ..

ليته ذبحني صِــــدْق و أموت بجراح ..
دامه خذا منّي الفرح واستباحه ..

حتى الحبيب اللي حَسبْته لي وشاح ..
قفّى ودمعي غارق ن في وشاحه ..

صدري غزاه الضيق و أوجاعه رماح ..
والهمّ ساري يحتفـل بــــ اجتياحه ..

يـا عين لا تبكين لو صاحبك طاح ..
طير السعد قصّت سنيني جناحه ..

أحدن يـبـيع الناس ويعدّ الأرباح ..
وأحدن يشوف الكذب قمّة نجاحه ..

ما تجتمع روح البشر بين الأشباح ..
إلا ليا ضاع الوفـــــاء و الصراحه ..

ما كلّ من غاص البحر قال سبـّـاح ..
كم واحد ن غرقان يَحْسِبْه واحه ..

وما كلّ من يشعل ظلامه بمصباح ..
أحيان ليل العين يشبه صباحه ..

و ياللي تشوف بضحكـتي طبع مزّاح ..
الضحك للمحتاج .. أفضل سلاحه ..

طبعي سمو ح إنْ كان يعنيك يا صاح ..
صيت الرجل يكبر بطيب وسِماحه ..

الله يجازي دمـــــــع عيني ط¨ط§ظ„ط£ظپط±ط§ط­ ..
والله يعوّض خاطري بـــ انشراحه ..

و ياللي تقول إني على الدّوم مرتــاح ..
لا والذي سوّاك ما ذقت راحـــــــه ..

باحساسي وبنبض قلبي ..
بقلمي : منصور / ط§ط­ط³ط§ط³ شاعر ..

تنوية : ارجو ذكر المصدر عند النقل حفاظا على الحقوق الادبية والفكرية

تحياااتي//نبض الامل//

و ياللي تقول إني على الدّوم مرتــاح ..
لا والذي سوّاك ما ذقت راحـــــــه ..

صح السانك وصح فكرك ونبض حرفك يامنصور
مرهف الحس ذو الحروف العذبه النقيه
صاحب القلم المميز
نص راقي يعانق النجوم ابداع

و ياللي تقول إني على الدّوم مرتــاح ..
لا والذي سوّاك ما ذقت راحـــــــه ..

منصور كلمة حق من أروع و أفضل شعراء المنتدى
صح لسانك و اعتلى شانك و سلمت يداك
و سلمت قريحتك التي تروي ذائقتنا الشعرية
أبيات في قمة العذوبة و ابداع بلا حدود تبارك الرحمن ..
دمت بألق يا شامخ و أدامك الله بخير و سعادة ..
كل الشكر و عظيم التقدير لشخصك الكريم ..