خليني ارحل مع نسيم الهبايب
اشتاق لك في غربتي شوق الاحباب
وعند اللقا قلبي من الشوق ذايب
جيتك وانا في خاطري لوم وعتاب
قلبي يسابق خطوتي غير هايب
لاسال دمعك وانتثر بين الاهداب
كفي يلامس وجنتك والذوايب
اغراب لو كنا عن الحاضر اغراب
باالحب نصنع معجزات وعجايب
كن القصيد من الخجل يلبس حجاب
والليل هادي مثل همس الحبايب
اجتزت باقدامي مسافات وهضاب
وبرحلتي شفت العجب والغرايب
وصعدت من همي على راس مرقاب
رجم يشادي ناطحات السحايب
في صحصح مابه مسرات واصحاب
جلست احسب ماجرى من مصايب
اخذت درس من التجارب والاتعاب
ولي اتضح ماكان خافي وغايب
ماتحصي انواع الرجاجيل بحساب
ذكرتهم في وصف موجز وصايب
فيهم صدوق وفيهم انسان كذاب
وفيهم عظيم وفيهم انسان خايب
قويهم مادشه الخوف وارتاب
قلبه يواجه قاسيات النوايب
وضعيفهم ينهار قدام الاسباب
ولاتفه سبب تلقا دموعه سكايب
وايضا لقيت برحلتي بعض الاجناب
اخير من بعض الربع والقرايب
انا الذي قلبي جريح ومنصاب
واقرب قريب شب فيه اللهايب
والجرح لامن جاك من عند الاقراب
ماينفعك فيه الدوا والطبايب
لايخدعك وضعك وتغريك الالقاب
محد مخلد من شباب وشايب
دنياك قبلك ماصفت لاهل الالباب
اللي بحكمتهم تحل النشايب
بدايتك مخلوق من طين وتراب
ونهايتك توضع عليك النصايب
قلبي يسابق خطوتي غير هايب..
سلم اختيارك بيسان ونقلك
يعطيك العافيه
المشاركة الأصلية كتبت بواسطة ريمي.. 
قلبي يسابق خطوتي غير هايب..
سلم اختيارك بيسان ونقلك
يعطيك العافيه
الله يسلمك ويعاافيكي ريييوم نورتي
المشاركة الأصلية كتبت بواسطة كاردنيه مرورك اجمل تسلمييييييييي