البنات المغازلجيات الله لايبلانا‎

بسم الله الرحمن الرحيم

والله العظيم صادقة بنات آخر زمن،لدرجة أن الحياء راح وصاروا الرجال هم اللي يستحون،معقولة يعني نوصل لهالدرجة،ليه طيب،هل هو فراغ،ولا نقص،ولا ضعف وازع ديني ،ولا من جد ماعاد فيه عزة نفس ولا حياء.

صدق الرسول عليه الصلاة والسلام عندما قال سيأتيكم زمان يكون فيه القابض على دينه كالقابض على الجمر.

والله العظيم يا بنات بذكر لكم موقف صار لبنت شفتها بعيني،كنت بيوم من الأيام بمحل للذهب كبير ومعروف،عاد صاحب المحل له اسم وصيت وتارك اولاده هم اللي يشتغلون بالمحل،فدخلت وجلست أطالع الذهب وجاء شاب ماشاء الله عليه شكله محترم والله وهو منزل عيونه حط قدامي الأطقم الجديدة النازلة والخواتم ،فجلست أطالع فيهم فدخلت بنت أعوذ بالله قبل لا تدخل تشمين ريحة عطرها ولابسة ذيك العباية اللي ماتقولي عنها عباية لا والله كأنها فستان هذا غير كيلو المكياج اللي حاطته على وجهها ونص شعرها طالع وش بقى بعد مابقى إلا وترمي العباية أحسن لها.

فوقفت كذا وجلست تطالع باللي بالمحل ،وبعدين قربت جنبي وتطالع في الذهب،وبعدين بمياعة جلست تقول ممكن تطلع لي هالخاتم ما أقدر أفكه من العلبة فقال أبشري فلما جاء بيطلع الخاتم حطت يدها على يده،والله العظيم يا بنات ما أكذب،عاد الولد أنهبل وصرخ عليها وقال تفو على هالأشكال وطردها بصوت عالي هزأها وقال أطلعي برا ،والممر كان كله محلات ذهب وكل أصحاب المحلات طلعو بيشوفون وش السالفة ،والناس تجمعوا،عاد هي نزلت راسها وطلعت،وبعدها رجع لي وقال تفضلي أختي وش اخترتي ،وربي ذاك الوقت بالي مو بالذهب ،بالي بهالبنت اللي لهالدرجة وصلت فيها الوقاحة تمسك يد الشاب وتهين نفسها وتسمع سب وشتم هي في غنى عنه وفوق كل هذا الكل يطالعونها بنص عين ومحتقرينها.
(وربي صرت أخاف ربي يسخط فينا،ياربي ياحبيبي لا تعاقبنا بذنوب غيرنا)

************************

القصة اللي قلت لكم عليها شي ،والمواقف اللي يشوفونها الشباب شي ثاني عاد أنا أقصد الشباب المحترمين مو الشباب الفاضيين عاد هذولا شي ثاني،عاد لي قريبة تقول أخوها حصل له موقف بالسوق من بعدها ما عاد ينزل معهم للسوق،يالله أترككم مع القصة.
كان دايما لا جاء يوديهم السوق يوقف سيارته على جنب وينزل معهم ومرة من المرات وهو يمشي وشايل الأغراض فتعثر بحجر كانت على الأرض فبغى يطيح فمرت من عنده بنت وقالت له بسم عليك ياعمري ،عاد هو سمع هالكلام من جهة وقال لخواته يالله يالله وعلى طول رجعهم للبيت وهاذي كانت آخر مرة ينزل معهم للسوق.
والله العظيم ماصارت هالحالة يعني الحين الاخو يسوي أضْراب ومايبي ينزل للسوق يعني بالله من ينزل مع هالبنات.

*************************************

أما هالقصه لبنات المدارس
عاد تعرفون أن أوقات الأختبارات النهائية يكثر المغازل عند مدارس البنات،عاد ذاك اليوم وقت طلعة ط§ظ„ط¨ظ†ط§طھ من المدرسة إلا وسيارة فيها شباب والأغاني أعلى شي اللي بالهند يسمع الصوت،وقعدوا يدورون حول المدرسة كذا لفة،لين طلعو مجموعة بنات يتميعون بمشيتهم ويوم مروا الشباب من عندهم قامو ط§ظ„ط¨ظ†ط§طھ يضحكون بصوت عالي عاد هنا شافتهم الهيئة ومسكتهم كلهم الشباب والبنات،وأخذوا الشباب للمركز الهيئة،والبنات رجعوهم للمدرسة وأخذت المديرة عليهم تعهد،عاد من باكر عملت المديرة محاضرة وتكلمت عن الحركة اللي عملوها ط§ظ„ط¨ظ†ط§طھ وأيش صار لهم لكن بدون ذكر أسماء وقالت المرة هاذي سترنا عليهم والمرة الجاية بنتصل على أولياء أمورهم ليستلموهم من الهيئة.
ليش طيب هالحركة السخيفة من هالبنات،يعني وقفو شوي وتخيلو بس صدمة الأهل لما يجيهم اتصال من المدرسة ويقولو لهم استلمو بنتكم من المركز.
أعوذ بالله من غضب الله

***********************************
أم هالقصه غريبه !!
انا في مدينه رغم انها موب كبيره > تبوك >

لكن فسادها ظاهر بطريقه موب طبيعيه ط§ظ„ط¨ظ†ط§طھ فيها

لاحول ولاقوة الا بالله مناظرهم تقشعر لها الابدان

والله العظيم انا وانا بنت زيهم يلفتني لبسهم

كيف الرجال ؟؟

حصلي موقف مره

انا واخوي رايحين السوق

اخوي هذا انطوائي بشكل كبير

بس ترجيته وقلت له بس شوي ونرجع اخذ

غرض من اقرب محل واطلع
مادريت الا اللي داخلات للمحل

وتشوفون اخوي وقف جنب الجدر

قسم بالله شوي وتحكك فيه
هو بصراحه من النوع النقاد واستغرب هالشئ

من جينا نطلع

والله مااكذب عليكم يابنات قالت له افتح بلوتوثك

ابي ارسلك الرقم

هنا انا انجنيت

كان ودي اكفخه واخليها تعرف ان الله حق

بس باتخانق مع مليون وحده بالسوووق ؟؟

الله لا يبلانا

****************************

هذا غير ط§ظ„ط¨ظ†ط§طھ المايعات اللي يكون بالمجمعات واللي عند البحر واللي عند المدارس
عاد ودك أن هالبنات تمسكهم الهيئة وتعطيهم كم علقة سخنة حتى يتأدبون،يعني إذا الأهل مالهم دور ومهيتين بناتهم لهالدرجة من بالله يعلم هالبنات حرام والله هذولا هم نصف المجتمع،مع أن الهيئة والله ماقصروا جزاهم الله خير لكن بعضهم يعالج هالموضوع بشكل خاطئ فحنا محتاجين لناس يتفهمون ليه هالبنات يسون كذا،على الأقل لو لقوا أحد ينصحهم ويآخذ بأيدهم ويدلهم على الصح ويسمعهم محاضرات وندوات ويعلمهم أن العمر أقصر مما نتوقع ممكن يتعدلون،والغالب أن البنت اللي تعمل هالحركات يكون عندها شي وتبغى تعوضه،أو تحس بنقص وتبي تكمله لكن للأسف تكون الطريقة خطأ.

وياما شفت قصص وقصص وأكيد أنتوا بعد،وأتمنى من الأشكال هاذي تكون عندهم عزة نفس ،ترى عزة النفس غالية ،عزة النفس تخلي الإنسان يترّفع عما في أيدي الناس.
فكل وحدة تدخل تشاكنا برأي ولا قصة ولا نصيحة للنوعية هاذي وعسى ربي يهديهم ويصلحهم ويستر عليهم وعلينا وعلى بنات المسلمين أجمعين.

*****************************

" فرفعي يديك أخيتي "
اللهم ياواحد ياأحد يافرد ياصمد ،وفقها وأفتح لها أبواب من رزقك وأحفظها من كل شر وأستر عليها دنيا وآخرة وأبعدها عن بنات الحرام،وياربي لا تترك لها شي تتمناه وتريده بشدة إلا وتحققه لها،وأغفر لها ما تقدم من ذنبها وما تأخر وأجعلها من السبعين ألف الذين يضلهم الله في يوم لا ظل فيه إلا ظله سبحانه وأجمعني فيها بأعلى جنات النعيم،وأغفر للمؤمنين والمؤمنات الأحياء منهم والأموات وأشملنا بواسع رحمتك يارحمن يارحيم.

اللهم آمين