الأ جواد واجد والمراجل لها كسا ب

[CENTER]الأجواد واجـد والمراجـل لهـا كسـابلكن واعد العشـرة ليـا صـرت جمالـي[/CENTER]
[CENTER]يطيـر الشـرار وكـل نـارٍ لهـا شبـابومن ولع النيران يصبـر علـى الصالـي[/CENTER]
[CENTER]تجارب حياتي معجزة والـدروب أصعـابولقيت الرجال انـواع والـوان وشكالـي[/CENTER]
[CENTER]صديق الشدايد ما خذا منـك علـم وجـابوسيع الصدر يضحـك ولا هـو بزعالـي[/CENTER]
[CENTER]صديـق الشدايـد لا ينافـق ولا يغـتـابيدلـه غريـب الـدار ويزيـن الجـالـي[/CENTER]
[CENTER]وصديـق الرخـى عـقـاب ومصادقـتـهعقاب شجاع الحكي والمدح بالقيل والقالـي[/CENTER]
[CENTER]وصديق الرخى ما غير صورة ولبس ثيابيـا ليتـه يبرقـع مالـه شمـاغ وعقالـي[/CENTER]
[CENTER]وعنـدي نصيحـه جـد ماقلتهـا لـعـابأقول الصحيـح ونايـم القلـب يصحالـي[/CENTER]
[CENTER]ترا خوة أهـل الطيـب يالطيبيـن أطبـابيطيـب السقيـم وخــوة الاش سـلالـي[/CENTER]
[CENTER]تغانم شبابك يا بيض الوجـه دامـك شـابترى البدر لو يطلـع قمـر عـود أهلالـي[/CENTER]
[CENTER]فلا تهجر المسجد وخلـك ورى المحـرابترى روضة المسجـد لهـا منـزلٍ عالـي[/CENTER]
[CENTER]ولا تترك اللـي يزهمـك خايـفٍ مرتـابترى الذل مـا نجـى الثعـل بـا لتحيالـي[/CENTER]
[CENTER]ولا للندى غير الفدى لـو تـروح أرقـابومن ضاع شوره يا خـذ الشـور ويمالـي[/CENTER]
[CENTER]ومن با شـرك بالعـذر لاتلحقـه بعتـابولا تشوف نفسك شيـخ والنـاس عمالـي[/CENTER]
[CENTER]ولا تهين نفسك لو تجي بين ضرس ونـابوهيبتـك لا تنقـص ولـو ربـع مثقالـي[/CENTER]
[CENTER]وبنت الـردي لا يعجبـك زينهـا الجـذابتراهـا كمـا المخيـال خيـل وتخيـالـي[/CENTER]
[CENTER]ولو شفت حمر خدودها والثمـان أعـذابلا بدك تمنـى ليـت مـا جالـك أعيالـي[/CENTER]
[CENTER]ولدها لا ياشاف النقـى والملاقـى هـابذليـلٍ بخيـلٍ فيـه خفـخـاف وجفـالـي[/CENTER]
[CENTER]أخذ بنـت قـرمٍ طيـبٍ ساسهـا ماعـابتنومسك بنـت الشبـل ويجيلـك أشبالـي[/CENTER]
[CENTER]أعيال الذياب تصير مثـل الذيـاب أذيـابوعيـال الثعالـب مثلهـا زهـر الاذيالـي[/CENTER]
[CENTER]وفرخ الصقر مثله وفرخ الغـراب غـرابوبـوم الخـراب ايقابـل العـش ويلالـي[/CENTER]
[CENTER]الي صار راسك فوق يا طيـب الا نسـابفـلا ينحنـي لقـدام رجلـيـن ونعـالـي[/CENTER]
[CENTER]لكن الله اللي يكتـب الـرزق يـا خطـابهو اللي يفـك البـاب ويقـص الا قفالـي[/CENTER]
[CENTER]ولا يهمـل الا واحـدٍِ عايـفٍ الاشـبـابولا ضيع أحقوق البشـر غيـر الا همالـي[/CENTER]
[CENTER]وترى للقصايد كيف والكيـف لـه شـرابوانا ما مشرب الا كيف راسـي بفنجالـي[/CENTER]
[CENTER]ولا طاوع الجاهـل ولا جامـل النصـابأقـدم يميـن الحـق واحــط معـذالـي[/CENTER]
[CENTER]ولا نيب و الله طيبن لـه مـع مـن طـابومن طاب لي برخص له الحـال والمالـي[/CENTER]
[CENTER]أكذب وانا خابـر واجامـل وانـا كـذابسنين مضـت هـي صـدق والا يورالـي[/CENTER]
[CENTER]تلخبط جهاز المـخ وانهـارت الاعصـابوفورت دمـي وارتفـع ضغطـه العالـي[/CENTER]
[CENTER]لكن في رجى اللي من رجى رحمته ماخابهـو الواحـد العالـي وهـو ربناالوالـي[/CENTER]
[CENTER]وهو الخالق الرازق وهو المعطي الوهـابلـه الملـك كلـه والكمايـل والاكمـالـي[/CENTER]
[CENTER]رئـوفٍ رئيـفٍ رحمتـه تنقـذ المنصـابيغيـث الديـار الممحلـه عقـب المحالـي[/CENTER]
[CENTER]شديد العقاب ويعتـق المذنـب اللـي تـابعسـى مـا يوخذنـا بسيـات الاعمـالـي[/CENTER]
[CENTER]كما قالـه الله فصبـروا يأولـي الالبـابترى الصبر زيـن وكلمـة الحـق تنقالـي[/CENTER]
[CENTER]واصلي واسلم عـد مـا تنبـت الاعشـابومـا لاح بـراقٍ سـرى يشعـل أشعالـي[/CENTER]
[CENTER]على المصطفى اللي وحد الدين والاحزابشفيـع أمتـه يـوم الهوايـل والاهوالـي[/CENTER]