عندي مشكلة وأريد لها حل انا إنسانة ضعيفة وفي نفس الوقت عنايدية وصبورة بس العناد هو اللي رفعني إلي التهلكة وكذلك قلت خبرتي في التعامل مع الناس وتهوري الزائد في تجربة كل شئ جديد يعنى الخوف منعرفاش من جميع النواحي وحتى لو أظهرت لشخص أنى خايفة للوصول إلي غايتي أو الغرض اللي نبيه .
من وأنا صغيرة وهذه الصفات ملازمتنى حتى عند دخولي للجامعة كنت نمثل للجميع أنى ضعيفة وخايفة وبريئة بس حبي في الاكتشاف كان يحطني دائما في المحذور وهكذا حتى كان عمري21 سنة تقدم ابن عمتي لخطبتي في الأول حسيتة موضوع جديد وكنت متحمسة وانى اللي خليت ماما وبابا يوافقو عليه وبالفعل الولد حبنى وخليته يموت فيا بس أنى مكنتش نحبه كنت نتظاهر بالشئ هذا وأحيانا ندلع عليه وكان بيهبل عليا وحتى في مرات نكذب عليه وكان يصدق فيا لدرجة ان في مرة كذبت عليه وقتلة انى حامل وقد اقتنع بالموضوع لان كنت انا وهو نمارس في الحب من الخارج وكان مفتون بيا ويستنا بس امتى نتزوج وكان حلم حياته أنى نكون معاه بس المشاكل العائلية بحكم انه من العائلة شاء القدر وانفصلنا وكان هذا قراري اللي مولي تش فيه حتى بعد ما انفصلنا حاول يولى وقالي كرمالي وإنا كنت نقول "لالالا" ومن ضمن الأسباب والمشاكل اللي بيني وبينه الشغل انى كنت حابة اشتغل وهوا كان رافض الموضوع فاشتغلت غصب عنه بحكم انى قاعدة في بين ابويا ونقدر نتصرف على راحتى وبعد فترة من خدمتى تعرفت على شخص هذا الشخص عجبنى بشكلة مع أنى مند ورش في الشكل بس الغموض والسكون اللي كان حولية هما اللي خلوني نحاول نلفتله انتباها وبالفعل قدرت عليه بس للأسف أول مخشيت معاه كذبت عليه سئلنى قالي انتى مخطوبة الحق انى الفترة هذكاي كنت في مرحلت الانفصال فجاوبتة وقتلة "لالا" وبعدين سئل وعرف انى كذبت عليه وبعدين انى تغير عليه وبعدت فستغرب وسئلنى وقالي علاش قتلة عندي واحد في حياتي وبالفعل كان في الفترة هذا كأي شخص كيف يخش لحياتي بس المشكلة انه اسمر البشرة وكذلك متزوج قبل مني مرتين ومطلق فا أكيد العائلة ترفض فرجعت لهذا الشخص وحاولت نرضيه بشتى الطرق وطلعت معاه من غير محد يعرف ومشينا للبحر وبدينا نمشي كل يومين وراء بعض ونمارس في الحب بس كان من برا برا لين يوم من الأيام حاول معاي بقوة وللأسف وقع المحذور وسلبت عذريتي وللأسف ندمت كل الندم على ما فعلت ومع هذا حاولت معاه في البداية حسيت بيه يبي يسيبنى والحق مكنتش مدورة لو بيمشي فكه بس بعدين راجعت نفسي وبدية نعامل فيه بكل رومانسية وبكل طاعة كاملة مع ان مش من طبعي الطاعة أبدا غر ارضي عليا وتزوجني مع ذلك كنت من داخلي مش راضية على اللي ندير فيه وفي نفس الوقت كنت نكلم في شخص اخر وكذلك رجعت للشخص المطلق وكنا نتكلم واوهم فيهم انى حنكون زوجت المستقبل اما الشخص اللي سلبني حريتي فستمريت معاه من فوق نفسي وخليته يجئ ويخطبنى وبعد فترة أضايقت هلبه من تصرفاته وأنانيته وحب السيطرة ولقطة سي السيد اللي متمشيش معاي فقتلة خلاص معاش يناسبنى نبي نسيبك وكل واحد يشوف نصيبه استغرب وقالي ديري اللي في راسك وبالفعل كلمت بابا وضبح علية وقالة خلاص لكن بعدين كلمنى وقالي اعقلي وبالفعل استعوذت من الشيطان واستمرت وتزوجنا لكن قبل زواجنا زوجي شاك فيا لان كذبت علية من أول مقابلة ولان كنت مخطوبة من قبل واسئلنى وقالي خطيبك الاول حط يده عليك قتلة لالا قالي مستحيلة قتلة لالا قالي احلفي وخلاني نحلف على المصحف باش صدق او بالأحرى يقنع في نفسه واني حاليا كيف اكتشفت السبب وراء شكة انه متعرف على بنت وهذي البنت كانت تحب واحد والشخص هذا سلبها حريتها وبعدين اختفي بس للأسف كذبت علي زوجي وقالته انه مات وهوا اكتشف الحقيقة وهذي الفتاة كانت حب حياة زوجى ولهذا الان مش قادر يوثق في اي حد حتى اختة ولهذا متعبنى معاه في شكة وغير وأنانية وحبة لذاته وضعف شخصيته وكذلك مشاكل انى وهوا على اتفة الاسباب وقلة صبرة وتحكمة المفرط وحساسيته الزائدة مني ومن أهلي وشكوته منى في جميع تصرفاتي انى مقصرة مع انى بنذير المستحيل قريب نولع صوابعى العشرة شمع ومع ذلك مش عاجبة ولا ويبي يتزوج عليا وهذا الشئ نرفضة نهائبا وعدم تقبلة لي الان اشعر بالندم الشديد لانى تركت خطيبي السابق واريد الرجوع اليه ولو اعرف ولو 1% انه حيرجع حنطلب الطلاق وانا حاليا عندى عادى لو كلمة انى رجل لان زوجى مش محسسنى بالامان وعدم الراحة والاستقلال لا انكد وقرف وحرق دم كل يوم ولينا في الصبح عركة وفي الليل عركة مع ان حاليا كيف وصلنا لشهر من زواجنا …
السبب الرئيسي لكتابتى لمشكلتى هوا انى اريد حلا جدريا لاني ملييت من هذه الحياة
مابني على غلط استحاله يعيش بسلام
غرورك وانانيتك واستهتارك اوصلتك الى هذه النهايه
لاتطلبي الطلاق لأن استحاله يرجع لك خطيبك وانتي من تركه وليس غصب عنك
افتحي صفحه جديده في حياتك واكسبي ثقة زوجك وانسي الماضي وهذا اختيارك
ولكن اخري موضوع الإنجاب حتى لا تظلمي نفس جديده من غير ذنب
واجلسي وتفاهمي مع زوجك وقولي له لازم تتغير حياتنا ونفتح صفحه جديده
واصبري وشوفي كيف حتصير حياتك اذا انصلح حالك وحاله الحمد لله عندها انجبي اولاد
اما اذا كان الشك والكره بينكم فالإنفصال هو الحل ولكن لا تنسي انك انتي بتصرفاتك
وتسليمك نفسك قبل الزواج سبب كافي للشك فيكي
وربي معاك
ولن ألومك على ماضيك المليء بالمغامرات أو بمعنى أصح الغريب !!
سأبدأ معك من آخر سطر في مشكلتك
السبب الرئيسي لكتابتى لمشكلتى هوا انى اريد حلا جدريا لاني ملييت من هذه الحياة
وأعتبر قولك (مليت من هذه الحياة) هو البداية للتغيير الجذري
وأرى أن الوقت قد حان لحذف ماضيك وراء ظهرك
ولتجعلي آخر سطر في مشكلتك هو العنوان
لبداية حياة جديدة صادقة ونظيفة مع زوجك أو مع نفسك
تذكري يا أختي أنه لا يوجد في الدنيا كلها إنسان بلا خطيئة
ولكن خير الخطائين التوابون
هذه نصيحة لوجه الله وأرجو أن تأخذي بها
تحياتي ..